MAISHA YA MKRISTO

Mwenendo Safi Kiadili na Heshima Kubwa Huvuta Watu

Mara nyingi wake Wakristo huwavuta waume wao kwenye kweli kupitia mwenendo wa Kikristo. Hata hivyo, huenda wakalazimika kuvumilia hali ngumu kwa miaka mingi. (1Pe 2:21-23; 3:1, 2) Ikiwa unateseka kwa njia isiyo ya haki, endelea kuushinda uovu kwa wema. (Ro 12:21) Hata mume wako asipokusikiliza, mwenendo wako mzuri unaweza kuwa na matokeo mazuri.

Jitahidi kuelewa maoni ya mwenzi wako. (Flp 2:3, 4) Onyesha hisia-mwenzi na huruma, na ujitahidi kutimiza majukumu yako kwa heshima. Uwe msikilizaji mzuri. (Yak 1:19) Uwe mwenye subira, na umhakikishie mwenzi wako unampenda. Hata ikiwa mwenzi wako hakuonyeshi fadhili na heshima kama unavyofanya, unaweza kuwa na uhakika kwamba Yehova anathamini uaminifu wako.—1Pe 2:19, 20.

TAZAMENI VIDEO YENYE KICHWA YEHOVA ANATUIMARISHA ILI TUBEBE MZIGO WETU, KISHA MJIBU MASWALI YAFUATAYO:

Maisha ya ndoa ya Grace Li yalikuwaje mwanzoni?
Ni nini kilichomvutia kwenye kweli ya Biblia?
Dada Li alivumilia hali zipi baada ya kubatizwa?
Dada Li alimwomba Yehova nini kumhusu mume wake?
Dada Li amepata baraka gani kwa sababu ya mwenendo wake safi kiadili na heshima kubwa?

Picha: Sehemu za video ya ‘Yehova Anatuimarisha Ili Tubebe Mzigo Wetu,’ Zinazoonyesha maendeleo ya Grace Li. 1. Grace akilia. 2. Dada akijifunza Biblia pamoja na Grace. 3. Grace na watoto wake wakiondoka mkahawa wa familia ili kwenda mkutano. 4. Grace akiwa pamoja na washiriki tisa wa familia yake kwenye Jumba la Ufalme. — Kuwa na mwenendo safi kiadili na heshima kubwa huleta matokeo mazuri!