MAISHA YA MKRISTO
Yehova Anatusaidia Kukabiliana na Majaribu Yetu
Katika siku hizi za mwisho, tunakabili majaribu mengi magumu. Nyakati nyingine, huenda tukahisi kwamba tumelemewa na majaribu yetu. Hata hivyo, tukiendelea kumkaribia Yehova, atatusaidia kuvumilia majaribu makali sana. (Isa 43:2, 4) Tunaweza kumkaribiaje Yehova tunapokabili majaribu?
Sala. Tunapommiminia Yehova moyo wetu, anatupa amani ya akili na nguvu za kihisia za kuendelea kuvumilia.—Flp 4:6, 7; 1Th 5:17.
Mikutano. Sasa kuliko wakati mwingine wowote, tunahitaji chakula cha kiroho na ushirika ambao Yehova anatuandalia kwenye mikutano yetu. (Ebr 10:24, 25) Tunapotayarisha, kuhudhuria, na kushiriki mikutano ya kutaniko, tunatumia kikamili msaada wa roho ya Yehova.—Ufu 2:29.
Huduma. Itakuwa rahisi zaidi kukazia mambo yanayofaa ikiwa tunafanya yote tuwezayo kuwa na bidii katika huduma. Isitoshe tutaimarisha urafiki wetu na Yehova na wafanyakazi wenzetu pia.—1Ko 3:5-10.
TAZAMENI VIDEO YENYE KICHWA YEHOVA ATAKUTUNZA, KISHA MJIBU MASWALI YAFUATAYO:
Ni nini kilichomsaidia Malu kumkaribia Yehova alipokabili majaribu?
Kama ilivyokuwa kwa Malu, maneno ya Zaburi 34:18 yanaweza kutufariji jinsi gani tunapokabili majaribu?
Simulizi la Malu linaonyeshaje kwamba Yehova hutupatia “nguvu zinazopita zile za kawaida” tunapokabili majaribu?—2Ko 4:7