MAISHA YA MKRISTO

“Je, Umejitayarisha Kukabiliana na Kuporomoka kwa Uchumi?”

Hatushangai matukio ya ulimwengu yanapofanya hali za kiuchumi zizorote ulimwenguni pote. Kwa nini? Kwa sababu tunaishi katika sehemu ya mwisho ya siku za mwisho na Biblia inatuonya tusiweke tumaini letu katika “utajiri usiotegemeka.” (1Ti 6:17; 2Ti 3:1) Mfano wa Mfalme Yehoshafati unatufundisha nini kuhusu kujitayarisha kwa ajili ya kuporomoka kwa uchumi?

Yehoshafati alimtegemea Yehova alipokabiliwa na tisho kutoka kwa mataifa adui. (2Nya 20:9-12) Pia alichukua hatua zinazofaa kulitayarisha taifa mapema kwa kuimarisha majiji na kujenga kambi za kijeshi. (2Nya 17:1, 2, 12, 13) Kama Yehoshafati, tutatenda kwa hekima ikiwa tutamtegemea Yehova na kuchukua hatua zinazofaa kujitayarisha kukabiliana na nyakati ngumu.

TAZAMENI VIDEO YENYE KICHWA JE, UMEJITAYARISHA KUKABILIANA NA MAJANGA? KISHA MJIBU MASWALI YAFUATAYO:

Picha kutoka kwenye video “Je, Umejitayarisha Kukabiliana na Majanga? ” Inaonyesha Biblia, mkoba wa dharura, simu, na pia wajenzi.

Sisi binafsi tunaweza kufanya nini ili kujitayarisha kwa ajili ya janga?

Jibu lako

Picha kutoka kwenye video “Je, Umejitayarisha Kukabiliana na Majanga? ” Akina ndugu wanasaidia katika jitihada za kutoa msaada kwa kufanya ujenzi na kupakua vifaa kutoka kwa malori.

Tunaweza kufanya nini ili kujitayarisha kuwasaidia wengine?

Jibu lako