Pitia Mambo Makuu

Je, nyakati nyingine ni vigumu kwako kukumbuka mambo ambayo umetoka tu kujifunza? Jambo hilo linatupata sisi sote pindi fulani. Ni nini kinachoweza kutusaidia? Kupitia mambo makuu.

Unapojifunza, tua mara kwa mara na ufikirie mambo makuu. Ona jinsi mtume Paulo alivyowasaidia wale waliokuwa wakichunguza barua yake wafanye hivyo, aliandika hivi: “Sasa jambo kuu tunalosema ni hili.” (Ebr. 8:1) Akitumia maneno hayo, aliwasaidia wasikilizaji wake wafuatane vizuri na habari aliyozungumzia na kutambua jinsi kila wazo lilivyohusiana na jambo kuu.

Huenda ukatenga wakati, labda dakika kumi mwishoni mwa kila kipindi cha funzo, ili utafakari kuhusu mawazo makuu ya mambo ambayo umejifunza. Ikiwa hukumbuki, angalia vichwa vidogo au sentensi inayobeba wazo kuu—mara nyingi inakuwa sentensi ya kwanza katika kila fungu—ili kujikumbusha. Ikiwa umejifunza jambo fulani jipya, jaribu kulielezea kwa maneno yako mwenyewe. Unapopitia mambo makuu, hilo litakusaidia kukumbuka na pia kuelewa zaidi jinsi unavyoweza kuitumia habari hiyo maishani.