Matukio ya Maana Katika Historia ya Kisasa ya Mashahidi wa Yehova

1870 Charles Taze Russell na kikundi kutoka Pittsburgh na Allegheny, Pennsylvania, Marekani, waanza funzo la utaratibu la Biblia

1870-75 Russell na washiriki wake wa funzo wajifunza kwamba wakati Kristo ajapo tena, yeye hataonekana kwa macho ya kibinadamu na kwamba kusudi la kurudi kwake latia ndani kubarikiwa kwa familia zote za dunia

1872 Russell na kikundi chake cha funzo wapata kufahamu bei ya fidia ambayo Kristo aliandalia wanadamu

1876 C. T. Russell apokea nakala ya Herald of the Morning, katika Januari; akutana na N. H. Barbour, mhariri, kiangazi hicho katika Philadelphia, Pennsylvania

Makala ya C. T. Russell, iliyochapwa katika toleo la Oktoba la Bible Examiner, katika Brooklyn, New York, yaelekeza kwenye 1914 kuwa mwisho wa Nyakati za Mataifa

1877 Kitabu Three Worlds chatangazwa, kwa sababu ya jitihada za pamoja za N. H. Barbour na C. T. Russell

C. T. Russell atangaza kijitabu The Object and Manner of Our Lord’s Return, kwenye ofisi za Herald of the Morning, katika Rochester, New York

1879 Russell aacha kabisa kutegemeza Herald of the Morning, katika Mei, kwa sababu ya mtazamo wa Barbour juu ya fidia

Toleo la kwanza la Zion’s Watch Tower and Herald of Christ’s Presence, la Julai 1879

1881 Trakti za kwanza zilizotangazwa na Wanafunzi wa Biblia; kabla ya 1914, ugawanyaji wa trakti wa kila mwaka wajumlika kuwa makumi ya mamilioni ya nakala katika lugha 30

Zion’s Watch Tower Tract Society yaanzishwa; mwito watolewa kusema “Wahubiri 1,000 Watakwa,” wengine kuwa makolpota wa kawaida, wengine kutumia muda wowote wawezao ili kueneza kweli ya Biblia

Kugawanywa kwa nakala 300,000 za Food for Thinking Christians kwa waenda-kanisani katika majiji makuu katika Uingereza

1883 Watch Tower lafika China; aliyekuwa mishonari Mpresbiteri upesi aanza kutoa ushahidi kwa wengine huko

1884 Kichapo Food for Thinking Christians chafika Liberia, Afrika; msomaji mwenye kuthamini aandika akiomba nakala ili azigawanye

Zion’s Watch Tower Tract Society yakatibiwa kisheria katika Pennsylvania; yasajiliwa kisheria Desemba 15

1885 Vichapo vya Watch Tower tayari vinasomwa na baadhi ya watu wenye njaa ya kweli katika Amerika Kaskazini na Kusini, Ulaya, Afrika, na Asia

1886 The Divine Plan of the Ages chatangazwa, buku la kwanza la mfululizo uitwao Millennial Dawn (baadaye liliitwa Studies in the Scriptures)

1889 Bible House yajengwa kwenye Arch Street, katika Allegheny, Pennsylvania, ikiwa makao makuu ya Sosaiti

1891 Kikusanyiko cha kwanza cha Wanafunzi wa Biblia walichokiita mkusanyiko, katika Allegheny, Pennsylvania (Aprili 19-25)

1894 Waangalizi wasafirio ambao walikuja kuitwa mapilgrimu (leo, waangalizi wa mzunguko na wa wilaya) watumwa kuhusiana na programu ya Sosaiti ya kuzuru makutaniko

1900 Ofisi ya tawi ya kwanza ya Watch Tower Society yafunguliwa, katika London, Uingereza

Wanafunzi wa Biblia wamekwisha kutoa ushahidi katika nchi 28, na ujumbe wanaohubiri umefikia angalau nchi 13 nyinginezo

1903 Kugawanywa kwingi kwa trakti za bure nyumba hadi nyumba siku za Jumapili; mapema kidogo, kugawanywa kwingi kwa trakti kulifanywa barabarani karibu na makanisa

1904 Hotuba za C. T. Russell zaanza kutokea kwa ukawaida katika magazeti ya habari; katika muda wa mwongo mmoja zachapwa na magazeti kama 2,000

1909 Makao makuu ya Sosaiti yahamishiwa Brooklyn, New York, katika Aprili

1914 Wonyesho wa kwanza wa “Photo-Drama of Creation,” katika New York, katika Januari; kabla ya mwisho wa vita, inaonwa na watazamaji wanaojumlika kuwa zaidi ya 9,000,000 katika Amerika Kaskazini, Ulaya, na Australia

Oktoba 2, katika chumba cha kulia cha Betheli katika Brooklyn, C. T. Russell athibitisha, “Nyakati za Mataifa zimekwisha”

Wanafunzi wa Biblia ni watendaji wakihubiri katika nchi 43; walioshiriki kutolea wengine ushahidi ni 5,155; hudhurio la Ukumbusho lililoripotiwa ni 18,243

1916 Kifo cha C. T. Russell akiwa na umri wa miaka 64, Oktoba 31, akisafiri kwa gari-moshi kupitia Texas

1917 J. F. Rutherford awa msimamizi wa Sosaiti mnamo Januari 6, baada ya halmashauri ya utekelezi ya watu watatu kusimamia shughuli za Sosaiti kwa karibu miezi miwili

Kitabu The Finished Mystery chatolewa kwa familia ya Betheli katika Brooklyn Julai 17; wanne waliokuwa wametumikia katika baraza la waelekezi la Sosaiti wakipinga kwa dhati; baada ya hayo makutaniko mengi yagawanyika

1918 Hotuba “Ulimwengu Umekwisha—Mamilioni Wanaoishi Sasa Huenda Wasife Kamwe” inatolewa kwa mara ya kwanza, Februari 24, katika Los Angeles, California. Machi 31, katika Boston, Massachusetts, hotuba hiyo ina kichwa “Ulimwengu Umekwisha—Mamilioni Wanaoishi Sasa Hawatakufa Kamwe”

J. F. Rutherford na washiriki wa karibu wanatajwa katika waranti za kukamatwa za jimbo zilizotolewa Mei 7; kusikizwa kwa kesi kwaanza mnamo Juni 5; wao wahukumiwa kifungo kirefu katika gereza la jimbo mnamo Juni 21 (mmoja wao Julai 10)

Makao makuu ya Brooklyn yafungwa katika Agosti, na shughuli zayo zahamishiwa Pittsburgh tena kwa zaidi ya mwaka

1919 Maofisa wa Sosaiti na washiriki wao waachiliwa kwa dhamana, Machi 26; Mei 14 rufani za mahakamani zabadilisha uamuzi wa mahakama ya chini, na kusikizwa upya kwa kesi kwaagizwa; mwaka unaofuata, Mei 5, serikali yajiondoa kwenye kesi, ikikataa kushtaki

Akifanya jaribio kuona ikiwa kazi ya Wanafunzi wa Biblia yaweza kuhuishwa, J. F. Rutherford apanga kutoa mhadhara wa watu wote “Tumaini kwa Ajili ya Wanadamu Wenye Taabu,” kwenye Clune’s Auditorium, jijini Los Angeles, California, Mei 4; umati wote hauwezi kutoshea, na hotuba inawajibika kutolewa mara ya pili

Wanafunzi wa Biblia wafanya mkusanyiko kwenye Cedar Point, Ohio, Septemba 1-8; kichapo kinachokuja cha gazeti The Golden Age (sasa chaitwa Amkeni!) chatangazwa

Bulletin (sasa yaitwa Huduma ya Ufalme Yetu) yatangazwa ikiwa kichochezi cha utumishi wa shambani

Ripoti ya mwaka yaonyesha Wanafunzi wa Biblia 5,793 wakihubiri kwa bidii katika nchi 43; hudhurio la Ukumbusho lililoripotiwa, 21,411

1920 Watch Tower Society yaanza shughuli zayo yenyewe za uchapaji, katika Brooklyn

1922 Redio yatumiwa kwa mara ya kwanza na J. F. Rutherford, Februari 26, katika California, ili kutangaza mhadhara wa Biblia

Mkusanyiko wa Wanafunzi wa Biblia katika Cedar Point, Ohio, Septemba 5-13; mwito watolewa “Mtangazeni, mtangazeni, mtangazeni, Mfalme na ufalme wake”

Makasisi katika Ujerumani wachochea polisi wawakamate Wanafunzi wa Biblia wakati hao wanaposhiriki katika kugawanya fasihi za Biblia kwa umma

1924 WBBR (stesheni ya kwanza ya redio iliyo mali ya Watch Tower Society) yaanza kutangaza Februari 24

1925 Watch Tower la Machi 1, katika kuzungumzia kuzaliwa kwa Ufalme wa Mungu katika 1914, laonyesha kwamba kuna matengenezo mawili tofauti yenye kupingana—la Yehova na la Shetani

1926 Kuhubiri nyumba hadi nyumba na vitabu siku ya Jumapili kunatiwa moyo

1928 Wanafunzi wa Biblia wakamatwa katika New Jersey (Marekani) kwa sababu ya kugawanya fasihi ikiwa sehemu ya kuhubiri nyumba hadi nyumba; katika muda wa mwongo mmoja, kuna visa zaidi ya 500 vya kukamatwa kila mwaka katika Marekani

1931 Jina Mashahidi wa Yehova laanza kutumiwa baada ya azimio kwenye mkusanyiko katika Columbus, Ohio, Julai 26, na baada ya hapo kwenye mikusanyiko duniani pote

1932 Vindication, Kitabu cha 2, chaeleza ni kwa nini unabii wa kurudishwa wa Kibiblia hautumiki kwa Wayahudi wa asili bali kwa Israeli wa kiroho

Mpango wa “wazee waliochaguliwa” unakomeshwa, kupatana na maelezo katika matoleo ya Watch Tower ya Agosti 15 na Septemba 1

1933 Mashahidi wa Yehova wapigwa marufuku katika Ujerumani. Wakati wa mnyanyaso mkali kufikia mwisho wa Vita ya Ulimwengu 2, watu 6,262 wakamatwa, na jumla ya miaka ya kifungo chao ikawa 14,332; watu 2,074 wapelekwa kwenye kambi za mateso, ambamo vifungo vyao vyajumlika kuwa miaka 8,332

Mashine za kutangazia (nyingine zikiwekwa juu ya magari) zatumiwa na Mashahidi kutangaza mihadhara ya Biblia katika sehemu za umma

1934 Vinanda vinavyobebeka vinatumiwa na Mashahidi ili kutolea wale wanaopendezwa hotuba fupi za Biblia

1935 Katika hotuba ya mkusanyiko katika Washington, D.C., Mei 31, “halaiki kubwa” yatambulishwa kuwa jamii ya kidunia; watu 840 wabatizwa kwenye mkusanyiko huo; mkazo mkubwa zaidi waendelea kutolewa kwa tumaini la uhai wa milele katika dunia-paradiso kwa ajili ya watumishi wa Mungu waaminifu wanaoishi sasa

Mahali pa kukutana paitwa Jumba la Ufalme kwa mara ya kwanza katika Honolulu, Hawaii

1936 Mabango ya matangazo yavaliwa kwa mara ya kwanza na wahubiri wa Ufalme ili kujulisha umma juu ya mihadhara ya Biblia

Kitia-moyo chatolewa kuanzisha mafunzo na watu wanaopendezwa, kwa kutumia kitabu cha Sosaiti Riches pamoja na Biblia; mara nyingi hayo ni mafunzo ya kikundi

1937 Vinanda vinavyobebeka vinatumiwa na Mashahidi kwenye milango ya nyumba ili kutoa hotuba za Biblia zilizorekodiwa

1938 Mipango ya kitheokrasi ya kuchagua waangalizi katika makutaniko inachukua mahali pa utaratibu wa kidemokrasia, kwa kupatana na matoleo ya Mnara wa Mlinzi (Kiingereza) ya Juni 1 na 15

Makusanyiko ya kanda ya dunia (sasa yaitwa makusanyiko ya mzunguko) yapangwa kwa ajili ya vikundi vya makutaniko

1939-45 Kotekote katika Milki ya Uingereza na Jumuiya ya Madola ya Uingereza, mataifa 23 yapiga marufuku Mashahidi wa Yehova au yakawekea vizuizi fasihi zao za Biblia

1940 Kugawanywa barabarani kwa Mnara wa Mlinzi na Consolation kwawa jambo la kawaida la utendaji wa Mashahidi wa Yehova

Uamuzi wa Mahakama Kuu ya Marekani, Juni 3, ukiunga mkono sharti la kusalimu bendera bila kujali imani ya kidini waanzisha jeuri ya magenge ya taifa lote dhidi ya Mashahidi wa Yehova

1941 Mashahidi watendaji wapita alama ya 100,000, wakifikia kilele cha 109,371 katika nchi 107, kujapokuwa uhakika wa kwamba Vita ya Ulimwengu 2 imekumba Ulaya na inaenea barani Afrika na Asia

1942 J. F. Rutherford afa Januari 8, jijini San Diego, California

N. H. Knorr awa msimamizi wa tatu wa Sosaiti Januari 13

Jumla ya chapa ya Mnara wa Mlinzi kwa mwaka huu ni 11,325,143 katika lugha zote

Mtaala wa Hali ya Juu wa Huduma ya Kitheokrasi waanzishwa kwa ajili ya wafanyakazi wa makao makuu ya Sosaiti, Februari 16

Watch Tower Society yachapa Biblia kamili, King James Version, kwenye matbaa yayo yenyewe (rotari ya web)

1943 Darasa la kwanza la Shule ya Biblia ya Gileadi ya Watchtower laanza mafunzo yalo Februari 1

Mtaala katika Huduma ya Kitheokrasi (sasa waitwa Shule ya Huduma ya Kitheokrasi) kwa makutaniko ya Mashahidi wa Yehova waanzishwa kwenye makusanyiko katika Aprili

Mahakama Kuu ya Marekani yatoa maamuzi yanayopendeleka kwa Mashahidi wa Yehova katika kesi 20 kati ya 24; Mahakama Kuu katika Australia yaondoa marufuku juu ya Mashahidi huko, Juni 14

1945 Kuanzia Oktoba 1, baraza la waelekezi la Sosaiti halichaguliwi tena na wachaguzi wanaostahili kuchagua kwa sababu ya upaji wa kifedha

Wastani wa idadi ya mafunzo ya Biblia nyumbani bila malipo yanayoongozwa kila mwezi sasa ni 104,814

1946 Wakati wa miaka saba iliyotangulia, Mashahidi wa Yehova zaidi ya 4,000 katika Marekani na 1,593 katika Uingereza wakamatwa na kuhukumiwa vifungo gerezani kuanzia mwezi mmoja hadi miaka mitano kwa sababu ya kutokuwamo kwao kwa Kikristo

Katika mwaka huu wa kwanza baada ya Vita ya Ulimwengu 2, watu 6,504 washiriki katika utumishi wa wakati wote wakiwa mapainia

Gazeti Amkeni! (mwandamizi wa The Golden Age na Consolation) laanza kutangazwa; jumla ya chapa ni nakala 13,934,429 kwa mwaka huu

Mashahidi zaidi ya 470 wapelekwa mbele ya mahakama katika Ugiriki kwa sababu ya kushiriki mafundisho ya Biblia na wengine

1947 Katika Quebec, Kanada, kesi 1,700 zinazohusu kazi ya kueneza evanjeli ya Mashahidi wa Yehova zangoja kusikizwa mahakamani

Hesabu ya makutaniko sasa yapita 10,000, ikifikia jumla ya 10,782 ulimwenguni pote

1950 Biblia New World Translation of the Christian Greek Scriptures yatolewa katika Kiingereza, Agosti 2, kwenye mkusanyiko katika New York

1953 Programu ya mazoezi yenye mambo mengi ya Mashahidi wa Yehova katika kuhubiri nyumba hadi nyumba yaanza, Septemba 1

1957 Katika nchi 169, muda wa saa 100,135,016 watumiwa na Mashahidi wa Yehova katika kupiga mbiu juu ya Ufalme wa Mungu na kuongoza mafunzo ya Biblia na watu waliopendezwa karibuni

1958 Mapenzi ya Kimungu Kusanyiko la Kimataifa, katika New York, lavutia hudhurio la 253,922 kutoka nchi 123; watu 7,136 wabatizwa

1959 Vipindi vya kwanza vya Shule ya Huduma ya Ufalme, vikianza Machi 9, katika South Lansing, New York, vikikusudiwa waangalizi wa kutaniko na waangalizi wasafirio

1961 Kikundi cha kwanza cha waangalizi wa tawi wa Sosaiti chahudhuria mtaala wa mazoezi ya pekee wa miezi kumi katika Brooklyn, New York, kwa kusudi la kuendeleza umoja wa kazi ya Mashahidi wa Yehova ulimwenguni pote

Biblia kamili katika buku moja, New World Translation of the Holy Scriptures, yatolewa katika Kiingereza

1963 New World Translation of the Christian Greek Scriptures yatolewa katika lugha sita zaidi (Kiholanzi, Kifaransa, Kijerumani, Kiitalia, Kireno, na Kihispania), nyingine nyingi zikifuata miaka ya baadaye

Mashahidi wa Yehova zaidi ya milioni moja ni watendaji sasa katika nchi 198; kilele cha wahubiri kwa mwaka huu ni 1,040,836; watu 62,798 zaidi wabatizwa

1965 Jumba la Kusanyiko la kwanza, lililokuwa jumba la michezo na likarekebishwa, latumiwa na Mashahidi wa Yehova katika New York

1967 Mnyanyaso wa kinyama na wa muda mrefu wa Mashahidi wa Yehova waanza kotekote Malawi na kuendelea kwa miaka mingi baadaye

1969 Mafunzo ya Biblia nyumbani yapita milioni moja; ripoti yaonyesha wastani wa 1,097,237

1971 Baraza Linaloongoza lapanuliwa; Oktoba 1, uenyekiti waanza kuzunguka kwa zamu miongoni mwa washiriki walo kila mwaka

1972 Makutaniko ya Mashahidi wa Yehova yaanza kusimamiwa na baraza la wazee, badala ya mtu mmoja, kuanzia Oktoba 1

1974 Kilele cha wahubiri ulimwenguni pote chafika 2,021,432; mapainia waongezeka kutoka 94,604, katika 1973, hadi 127,135

1975 Baraza Linaloongoza lapangwa tena kitengenezo; mnamo Desemba 4, daraka la kazi nyingi lapewa kwa halmashauri sita, zinazoanza kufanya kazi Januari 1, 1976

1976 Kuanzia Februari 1, kila ofisi ya tawi ya Watch Tower Society yaanza kusimamiwa na halmashauri ya watu watatu au zaidi walio wakomavu kiroho, badala ya mwangalizi mmoja

1977 Shule ya Utumishi wa Painia yaanza kuandaa mazoezi hususa kwa makumi ya maelfu ya mapainia ulimwenguni pote

1984 Mafunzo ya Biblia nyumbani yanayoongozwa na Mashahidi wa Yehova sasa ni wastani wa 2,047,113

1985 Mpango wa wenye kujitolea wa kimataifa waanzishwa, ukiratibu kazi ya ujenzi ya Sosaiti ya ulimwenguni pote kutoka kwa makao makuu

Ripoti yaonyesha 3,024,131 wakishiriki katika kazi ya kuhubiri Ufalme katika nchi 222; wastani wa mapania sasa ni 322,821; watu 189,800 wabatizwa mwaka huu

1986 Halmashauri za Ujenzi za Kimkoa zawekwa kusaidia kuratibu ujenzi wa Majumba ya Ufalme

1987 Kazi ya kufanya wanafunzi yaendelea kupanuka, huku mafunzo ya Biblia yakiongozwa sasa na watu mmoja-mmoja na vikundi vya familia 3,005,048, mengi yayo kila juma; jumla ya waliobatizwa mwaka huu ni 230,843

Shule ya Mazoezi ya Kihuduma yaanza kutenda mnamo Oktoba 1, darasa la kwanza likiwa Coraopolis, Pennsylvania

1989 Hali zinazobadilika katika Ulaya Mashariki zasaidia kufanya mikusanyiko mitatu mikubwa ya kimataifa iwezekane katika Poland, na kisha katika nchi nyinginezo katika miaka iliyofuata

1990 Kuondolewa kwa vizuizi juu ya Mashahidi wa Yehova katika nchi za Afrika na Ulaya Mashariki kwawezesha kuenezwa kwa evanjeli miongoni mwa watu 100,000,000 zaidi

Wahubiri wa Ufalme wafikia kilele kipya cha 4,017,213; idadi ya mapainia yapanda kufikia 536,508; jumla ya muda wa saa 895,229,424 zatumiwa kwa kazi ya maana ya kupiga mbiu ya Ufalme

1991 Marufuku zilizoondolewa katika Ulaya Mashariki na Afrika zafanya iwe rahisi kufikia watu 390,000,000 zaidi na habari njema za Ufalme wa Mungu

1992 Mnara wa Mlinzi lina wastani wa chapa 15,570,000 katika lugha 111; Kwa wastani, nakala 13,110,000 za Amkeni! zatokezwa, katika lugha 67

Ushahidi mkubwa zaidi uliopata kutolewa, huku 4,472,787 wakishiriki kupiga mbiu ya Ufalme katika nchi 229; wastani wa kila mwezi wa mapania ukiwa 605,610; muda wa saa 1,024,910,434 watumiwa kutoa ushahidi hadharani; mafunzo ya Biblia 4,278,127 yaongozwa; wanafunzi wapya 301,002 wabatizwa