Je! Kweli Biblia Ni Zawadi Kutoka kwa Mungu?

“NAAMINI kwamba Biblia ndiyo zawadi bora zaidi ambayo Mungu amepata kumpa mwanadamu kwa wakati wowote.” Taarifa hiyo ilitolewa na Abraham Lincoln, rais wa 16 wa United States.a Si yeye peke yake anayeonyesha uthamini wake kwa ajili ya kitabu hicho cha zamani.

Waziri wa serikali Mwingereza wa karne ya 19 William E. Gladstone alitaarifu hivi: “Biblia inadhihirishwa kuwa na Mwanzo wa Kipekee, nayo hutengwa kwa mbali na vitabu vingine.” Kwa kupatana na mawazo hayo, waziri wa serikali Mwamerika wa karne ya 18 Patrick Henry alisema hivi: “Biblia ina thamani kubwa kuliko vitabu vingine vyote ambavyo vimepata kuchapishwa wakati wowote.” Kwa wazi, akivutiwa na Maandiko Maliki Mfaransa Napoléon Bonaparte alieleza hivi: ‘Biblia si kitabu cha kawaida tu, bali ni Kitu Chenye Uhai, chenye uwezo wa kushinda wote wanaokipinga.’

Kwa wengine, Biblia imekuwa chanzo cha msaada na faraja. Robert E. Lee aliyekuwa jemadari wa Mwungano wa Majimbo ya Amerika alitaarifu hivi: “Biblia haijashindwa kamwe kunipa mwangaza na imara katika matatizo na taabu zangu.” Na kwa sababu ya uthamini wake kwa kitabu hicho, rais wa U.S. John Quincy Adams alisema hivi: “Kwa muda wa miaka mingi nimefanya kusoma Biblia yote kila mwaka kuwa zoea langu.”

Ikiwa yule Aliye Juu Zaidi ameipa ainabinadamu Biblia, kwapasa kuwa ushuhuda wa kwamba imepuliziwa roho kimungu. Yapasa kuwa bora zaidi ya kitabu kingine chochote. Na ili Biblia iwe chanzo cha kweli cha imara na maagizo, ingepasa kutegemeka kabisa. Kwa hiyo basi, swali moja labaki, Je! kweli Biblia ni zawadi kutoka kwa Mungu? Acheni sasa tutafute jibu la swali hilo.

[Maelezo ya Chini]

[Picha katika ukurasa wa 3]

William E. Gladstone

[Hisani]

U.S. National Archives photo

Abraham Lincoln

[Hisani]

U.S. National Archives photo

Patrick Henry

[Hisani]

Harper’s U.S. History

Napoléon Bonaparte

[Hisani]

Drawn by E. Ronjat

John Quincy Adams

[Hisani]

Harper’s U.S. History

Robert E. Lee

[Hisani]

U.S. National Archives photo