Njooni Kwenye “Wasifaji Wenye Shangwe” Mkusanyiko wa Wilaya

KICHWA kizuri kama nini kimechaguliwa kwa ajili ya mikusanyiko ya wilaya ya 1995: “Wasifaji Wenye Shangwe”! Kwa kweli hivi ndivyo Mashahidi wa Yehova walivyo. Wasifaji wa nani? Bila shaka wa Yehova Mungu!

Yehova hana kifani, hana marika, halinganiki, ni wa kipekee katika njia nyingi sana. Yeye ana uwezo wote, anajua mambo yote, ni mkamilifu katika haki, na ni wonyesho halisi wa upendo. Yeye anastahili, kuliko wengine wote, kupokea ibada na sifa zetu.

Kwa kweli twataka kuwa wasifaji wake wenye shangwe! Ili kutusaidia, Baraza Linaloongoza la Mashahidi wa Yehova, limepanga programu nzuri ya mkusanyiko wa siku tatu. Siku hizi tatu kwa kweli zitakuwa zenye shangwe, na kila Shahidi wa Yehova atataka kufanya yote awezayo awepo kuanzia wimbo wa kufungua siku ya Ijumaa asubuhi hadi wimbo na sala ya kumalizia ya Jumapili alasiri.