Sanduku la Swali

● Ni wakati gani inapofaa kuacha kichapo cha bure, na jambo hili lapaswa kufanywa jinsi gani?

Ikiwa mtu anapendezwa lakini hawezi kuchangia kichapo, tunaweza kumpa mtu kijitabu, gazeti la zamani, au trakti. Labda matoleo ya zamani yanaweza kutolewa bure wakati wa kutembelea makao ya kutunzia wagonjwa na hospitali. Yanaweza kuachwa katika sebule ya majengo yanayokaa watu ambapo kazi yetu imezuiliwa. Hata hivyo, maamuzi mazuri yapasa kufanywa kuhusu hesabu ya magazeti yanayoachwa mahali pamoja na ni mara ngapi yanaachwa hapo. Mameneja wa sehemu hizi wamelalamika kwa sababu ya kulazimika kutupa magazeti wakati ambapo mengi sana yanaachwa katika kipindi fulani cha wakati.

Pindi kwa pindi wahubiri fulani huenda wakaacha toleo moja la gazeti mlangoni wakati hakuna mtu nyumbani. Hata hivyo, ikiwa bila kuchagua tungeacha magazeti katika nyumba zisizo na watu kila wakati eneo linapofanyiwa kazi, huenda watu wakawaza kwamba magazeti hayo ni ya bure. Hivyo ni vizuri kutumia busara katika habari hii. Ikiwa kundi linapata matatizo kwa sababu matoleo ya zamani yanaachwa watu wasipokuwa nyumbani mara kwa mara, baraza la wazee linaweza kuzungumza tena habari hiyo na kufanya madokezo ambayo yangefaa eneo na kwa masilahi mazuri ya kazi hiyo. Ingefaa zaidi kuacha trakti katika nyumba zisizo na watu.

Kwa kuwa watu wa ulimwengu wenye mielekeo mibaya huenda wakaangalia ishara-ishara za kuonyesha kwamba hakuna mtu nyumbani, trakti au gazeti la zamani linaloachwa mlangoni lapaswa kuingizwa ndani kabisa lisionekane. (Mt. 7:12) Ikiwa kifaa kingine kilichochapwa kinapatikana mlangoni, halingekuwa jambo zuri kuacha kifaa kingine katika pindi hiyo.