Tayarisha Sasa kwa Ajili ya Utendaji Ulioongezeka Ulio Mbele
1 Wakati wa mavuno, wale wanaohusika wanakuwa na shughuli nyingi kuliko ilivyo kawaida. Na wakati wa uharaka, watu wanajitahidi na kufanya mambo kwa juhudi kuliko ilivyo kawaida. Tunaishi wakati wa mavuno na wakati wa uharaka. Kuna mengi ya kufanya. Je! wewe umekuwa ukijitayarisha ili utimize yote yanayotakwa?—Mt. 9:37, 38; 13:39; Luka 13:24; 1 Tim. 4:10.
UKUMBUSHO
2 Majira ya Ukumbusho ndio wakati wenye maana zaidi kwa watu wa Yehova. Mwaka huu mwadhimisho wa Ukumbusho utafanywa Jumatano jioni, Machi 22. Je! wewe unafanya mipango inayohitajiwa ili kwamba kitu chochote kisikuzuie wewe na jamaa yako msihudhurie? Je! wewe umekuwa ukiwaalika watu wa ukoo na watu unaofahamiana nao ili kwamba wao pia wahudhurie? Namna gani watu wanaopendezwa walio katika eneo lako, wanafunzi wako wa Biblia, na waliokuwa zamani wanafunzi wa Biblia?—Luka 22:19; Ufu. 22:17.
3 Kwa kawaida wazee hupanga Jumba la Ufalme lisafishwe kikamili kabla ya Ukumbusho ili kwamba kila kitu kiwe tayari. Je! mipango imefanywa kwa ajili ya Msemaji wa siku ya Ukumbusho, mifano na wale watakaoipitisha, vilevile viti vya ziada na wakaribishaji wa kutosha kwa ajili ya pindi hii ya pekee?
USHIRIKI ULIOONGEZEKA KATIKA UTUMISHI WA SHAMBANI
4 Majira ya Ukumbusho hutukumbusha sisi dhabihu ya Yesu kwa ajili yetu. Hivyo, huo ni wakati unaofaa sana kwetu sisi kufikiria jinsi tunavyoweza kuongeza utendaji wetu katika huduma ya shambani. Hiyo ni mojapo njia za kuonyesha uthamini wetu kwa fadhili zisizostahiliwa za Yehova kupitia Mwana wake.
5 Je! wewe unaweza kutumikia ukiwa painia msaidizi katika Machi au Aprili, au wakati wa miezi yote miwili? Machi utaanzisha kampeni yetu ya kwanza kwa kutumia kitabu Revelation Climax, na kwa hakika wahubiri wote wa Ufalme watataka kujitumikisha katika utendaji huu. Aprili una miisho-juma mitano. Lo! ni fursa nzuri kama nini kufanya Jumamosi tano mfululizo siku za magazeti, na pengine kutumikia tukiwa mapainia wasaidizi.
6 Jitihada ya ziada inahitajiwa ili kuwa na ushiriki ulioongezeka katika huduma ya shambani. Hata kama huwezi kupainia, lingekuwa jambo lenye mafaa kuweka mradi wa kibinafsi wa saa utakazotumia katika Machi na Aprili. Je! unaweza kupanga ili uwe na wakati zaidi katika huduma ya shambani kwa kupunguza mambo ya kibinafsi na tafrija? Jitahidi. Mwombe Yehova akutie nguvu na kukubariki. Wale ambao wana vizuizi vya kimwili wanaweza kupata kwamba kwa msaada wa wengine, wao pia wanaweza kuwa na ushiriki zaidi wakati wa miezi hiyo.
7 Kwetu sote, Machi na Aprili wapasa kuwa wakati wenye shughuli nyingi katika utumishi wa Yehova. Wazee watafanya bidii ili waone kwamba kila kitu kimepangwa vizuri. Mahitaji ya fasihi yanapaswa yaamuliwe na maagizo yafanywe mapema. Pangeni eneo, na mfanye mipango ya kuieneza kikamili. Mwe na mipango inayofaa kwa ajili ya ya utumishi wa shambani, kutia na kutoa ushuhuda wakati wa jioni. Tunaposali kwa juhudi baraka ya Yehova, acheni sisi tutumie kwa hekima wakati kwa sifa yake.