Programu Mpya ya Kusanyiko la Mzunguko

“Shika Amri za Mungu Ukaishi” ndicho kichwa cha programu ya siku mbili ya kusanyiko la mzunguko kuanzia Septemba. (Mit. 4:4) Itakazia sababu kwa nini kutii amri za Mungu si mzigo wenye kulemea. Zaidi ya hilo, itaonyesha jinsi ambavyo kufanya mapenzi ya Mungu huburudisha na kuleta furaha ya kweli na vilevile tumaini la wakati ujao.—Mt. 11:28-30; Yn. 13:17.

Wale ambao kwa kutii amri ya Kristo wataka kubatizwa kwenye kusanyiko wapaswa kuongea na mwangalizi-msimamizi, naye atafanya mipango inayohitajiwa.—Mt. 28:19, 20.

Mfululizo utaeleza njia zifaazo ambazo katika hizo twaweza kuonyesha upendo kwa Mungu na kwa ndugu zetu. (Yn. 13:34, 35; 1 Yh. 5:3) Shauri lenye kuchochea moyo kutoka Zaburi 19 na 119 litatiwa katika programu hiyo. Ijapokuwa shauri la upole lililopuliziwa katika zaburi hizi liliandikwa maelfu ya miaka iliyopita, tutaona jinsi ambavyo hutunufaisha leo.

Hotuba ya watu wote itakayotolewa na mwangalizi wa wilaya ina kichwa “Mche Mungu Nawe Uzishike Amri Zake.” (Mhu. 12:13) Hotuba ya mwisho ya mwangalizi wa mzunguko itaonyesha vijana jinsi wanavyoweza kunufaika kabisa na maisha sasa na kwa nini wanaweza kuwa na uhakika wa wakati ujao wa milele. Mwangalizi wa wilaya amalizia programu kwa kutaja manufaa nyingi mojamoja ambazo zatokana na kuishi kulingana na “sheria ya kifalme” ya upendo. (Yak. 2:8) Kwa kweli, hii ni programu ya kusanyiko ambayo hakuna mtu ambaye angetaka kuikosa!