Kutazama Muungano Halisi wa Kidugu Kwenye Video United by Divine Teaching

Mwangalizi mmoja wa mzunguko alihudhuria funzo la Biblia lililoongozwa pamoja na mwanamke ambaye hakuwa ameanza kuhudhuria mikutano ya kutaniko. Mwangalizi wa mzunguko alimwalika kutazama video United by Divine Teaching. Mwanamke huyo alihudhuria mkutano juma hilo na kusema kwamba alifurahi sana kuwa mahali hapo. Kwa nini video hiyo ilikuwa na matokeo ya haraka hivyo? Mwanamke huyo alipendezwa na jinsi ilivyoonyesha muungano halisi wenye kupendeza wa kidugu katika ulimwengu wenye jeuri na chuki.—Yn. 13:35.

Itazame video hiyo uone amani na upendo unaofurahiwa na Mashahidi wa Yehova ulimwenguni pote. Kisha fikiria maswali haya:

(1) Kwa nini kichwa “Ufundishaji wa Kimungu” kilifaa mikusanyiko ya 1993-1994?—Mika 4:2.

(2) Kweli ya Biblia imeathirije familia kadhaa? Na familia yako imeathiriwaje na kweli ya Biblia?

(3) Kwa nini ni muhimu kufundishwa na Yehova?—Zab. 143:10.

(4) Ni magumu gani ambayo lazima yakabiliwe ili kutayarisha mikusanyiko ya kimataifa?

(5) Umeona maandiko ya Zaburi 133:1 na Mathayo 5:3 yakithibitishwaje kuwa ya kweli kwenye mikusanyiko ya Kikristo ambayo umehudhuria?

(6) Kuna uthibitisho gani unaoonyesha matokeo makubwa ya ufundishaji wa kimungu?—Ufu. 7:9.

(7) Ni ubatizo gani wa Wakristo wa kweli uliopata kuwa na watu wengi zaidi?

(8) Ni maneno gani ya Mika, Petro, na Yesu ambayo yanatimizwa na Mashahidi wa Yehova?

(9) Ni nini kinachokuthibitishia kwamba familia ya kibinadamu yenye furaha na iliyoungana si ndoto tu?

(10) Utawaonyesha nani video hii, na kwa nini?

Baada ya kuona video hii, dada mmoja alisema hivi kwa ufupi: ‘Video hiyo itaendelea kunikumbusha kwamba ndugu na dada wengi Wakristo kotekote ulimwenguni wanamtumikia Yehova sasa hivi kwa uaminifu mshikamanifu. . . . Muungano wetu wa kidugu ni wenye thamani kama nini!’—Efe. 4:3.