Maandalizi ya Kutusaidia Tujiepushe na Damu

Wahubiri waliobatizwa ambao walijaza kadi ya Mwelekezo wa Mapema Kuhusu Tiba/Ondoleo la Hatia au Kadi ya Utambulisho ya watoto ambayo haina tarehe ya uchapishaji au iliyochapishwa 3/99 hawahitaji kujaza kadi nyingine mwaka huu. Mwandishi anapaswa kubeba kadi za kutosha kwenye Mkutano wa Utumishi wa juma linaloanza Desemba 29 kwa ajili ya wahubiri waliobatizwa hivi karibuni, watoto wao, na wale ambao wanahitaji kadi mpya. Makutaniko hayatatumiwa kadi hizo. Ikiwa kutaniko halina kadi za kutosha, mwandishi anaweza kuomba makutaniko ya karibu au kuagiza kadi zaidi katika ombi la vitabu litakalofuata.

Kadi hizo zijazwe kwa makini nyumbani lakini HAZIPASWI kutiwa sahihi. Kutia sahihi, kushuhudia, na kuandika tarehe katika kadi zote kutafanywa baada ya Funzo la Kitabu la Kutaniko litakalofuata, na mwangalizi wa funzo la kitabu anaweza kusaidia ikihitajika. Wale wanaotia sahihi wakiwa mashahidi wanapaswa kumwona mwenye kadi akitia sahihi kadi yake.

Wahubiri wasiobatizwa wanaweza kuandika mwelekezo wao wenyewe na wa watoto wao wakitumia maneno yaliyo katika kadi ya Mwelekezo wa Mapema Kuhusu Tiba/Ondoleo la Hatia na Kadi ya Utambulisho ya watoto.