Programu Mpya ya Kusanyiko la Mzunguko

Katika siku za mwisho za ulimwengu huu mwovu, ni muhimu tutunze mavazi yetu ya kiroho na kulinda utambulisho wetu wa Kikristo. (Ufu. 16:15) Kwa hiyo, kichwa cha programu ya kusanyiko la mzunguko la mwaka wa utumishi wa 2006, “Mjivike Utu Mpya,” kinafaa sana.—Kol. 3:10.

Siku ya Kwanza: Mfululizo wa kwanza, “Kuonyesha Utu Mpya Katika Hali Mbalimbali,” utaonyesha jinsi kuvaa utu mpya kunavyotufaidi katika kila sehemu ya maisha yetu. Tunasitawishaje utu mpya? Swali hilo litajibiwa katika hotuba mbili za mwisho za siku ya kwanza, “Jitie Nidhamu Ili Utafakari kwa Njia Inayofaa” na “Elimu Inayoufinyanga Utu Wetu Mpya.”

Siku ya Pili: Mfululizo wa pili wenye kichwa, “Kukuza Ulimi wa Wenye Hekima” utaonyesha jinsi utu mpya unavyotuongoza katika kutumia ulimi. “Je, Unamshinda Yule Mwovu?” ndicho kichwa cha hotuba ya watu wote, ambayo itakazia uhitaji wa kuwa chonjo kutambua mbinu za Shetani. Hotuba mbili za mwisho za kusanyiko, “Jitunze Bila Doa Kutokana na Ulimwengu” na “Kumfanya Upya Mtu Tuliye kwa Ndani Siku Baada ya Siku,” zitatusaidia kuepuka mitazamo na mwenendo ambao haupatani na njia za Mungu za uadilifu na kuendelea kumwabudu Yehova kwa uthabiti.

Tuna hamu iliyoje ya kupokea kitia-moyo hicho cha kuvaa na kudumisha utu mpya!