Programu Mpya ya Kusanyiko la Mzunguko

Watu ulimwenguni wangetaka tuamini kwamba mfumo huu wa mambo utadumu milele. Hata hiyo, Neno la Mungu linatuambia jambo tofauti. (1 Yoh. 2:15-17) Linatusaidia kuelewa kwamba kuweka hazina duniani ni ubatili. Ili kuwaimarisha watu wa Mungu, programu ya kusanyiko la mzunguko la mwaka wa 2007 itazungumzia kichwa hiki, “Jiwekeeni Hazina Mbinguni.”—Mt. 6:19, 20.

Mtazamo wa kupenda vitu vya kimwili ni sehemu ya “mamlaka ya hewa, roho ambayo sasa hutenda katika wana wa kutotii,” inayotajwa katika Waefeso 2:2. “Roho ya ulimwengu” imeenea sana katika mfumo huu kama tu hewa halisi inavyopatikana kila mahali ikiwa tayari kuvutwa. (1 Kor. 2:12) Kwa kuwa inawaathiri watu sana, roho hiyo husemwa kuwa ina “mamlaka.” Programu mpya ya kusanyiko la mzunguko itatusaidia kuepuka mtazamo wa ulimwengu wa kupenda vitu vya kimwili na itatuwezesha kuzingatia sana mambo yaliyo muhimu zaidi. (Mt. 6:33) Zaidi ya hilo, programu hiyo itatusaidia kumtegemea Yehova tunapotimiza huduma yetu licha ya hali ngumu na majaribu tunayoweza kukabili.

Hakikisha kwamba unahudhuria siku zote mbili na ‘unakazia uangalifu zaidi kuliko ilivyo kawaida.’ (Ebr. 2:1) Andika mambo machache unayoweza kutumia katika maisha na huduma yako. Kwa kuwapo tangu mwanzo hadi mwisho wa programu hiyo yenye kujenga kiroho, utatiwa moyo na kuimarishwa kuendelea ‘kujiwekea hazina mbinguni!’