Je, Uko Tayari Kumwimbia Yehova Kwenye Mikutano Yetu?

¹ Kujitayarisha ili kushiriki katika mikutano yetu kunatia ndani kujitayarisha kuimba nyimbo za sifa. Fikiria madokezo yafuatayo.

² Kuelewa Maneno ya Nyimbo: Andiko la msingi na maandiko mengine yaliyoorodheshwa mwishoni mwa kila wimbo yanaonyesha msingi wa Kimaandiko wa maneno ya wimbo huo.

³ Fanyeni Mazoezi: Mnaweza kutumia muda fulani wakati wa Ibada ya Familia ili kujizoeza kuimba nyimbo zetu mpya. Imbeni nyimbo zilizoteuliwa kwa ajili ya kila mkutano, kwa kufuatana na muziki wa piano uliorekodiwa. Unaweza kujifunza maneno ya baadhi ya nyimbo hizo mpya na kujizoeza kuziimba kwa kusikiliza CD Mwimbieni Yehova—Muziki wa Kuimbwa, Diski ya 1.

⁴ Je, utakuwa tayari mwisho wa juma hili tutakapoanza kutumia kitabu cha nyimbo Mwimbieni Yehova katika Funzo la Mnara wa Mlinzi? Ndiyo, utakuwa tayari ukichukua wakati kuelewa maana ya maneno ya nyimbo zetu mpya na pia kujizoeza kuziimba.