Sababu 12 za Kuhubiri

Kwa nini sisi huhubiri na kuongoza mafunzo ya Biblia? Je, sababu ya msingi ni kuwasaidia watu wenye mioyo minyoofu waingie katika barabara inayoongoza kwenye uzima? (Mt. 7:14) Hiyo ndiyo sababu ya kwanza iliyoorodheshwa hapa chini, lakini si sababu kuu. Kati ya sababu 12 zifuatazo za kuhubiri, unafikiri ni ipi iliyo muhimu zaidi?

1. Kuhubiri husaidia kuokoa uhai.​—Yoh. 17:3.

2. Husaidia kuonya waovu.​—Eze. 3:18, 19.

3. Huchangia kutimia kwa unabii wa Biblia.​—Mt. 24:14.

4. Huonyesha uadilifu wa Mungu. Hakuna mtu anayeweza kudai kwamba Yehova aliangamiza waovu bila kuwapa nafasi ya kutubu.​—Mdo. 17:30, 31; 1 Tim. 2:3, 4.

5. Hutuwezesha kutimiza wajibu wetu wa kuandaa msaada wa kiroho kwa watu walionunuliwa kwa damu ya Yesu.​—Rom. 1:14, 15.

6. Hutusaidia kuepuka hatia ya damu.​—Mdo. 20:26, 27.

7. Ni takwa ili sisi wenyewe tuokolewe.​—Eze. 3:19; Rom. 10:9, 10.

8. Huonyesha upendo kwa jirani.​—Mt. 22:39.

9. Huonyesha utii wetu kwa Yehova na kwa Mwana wake.​—Mt. 28:19, 20.

10. Ni sehemu ya ibada yetu.​—Ebr. 13:15.

11. Huonyesha kwamba tunampenda Mungu​.—1 Yoh. 5:3.

12. Huchangia kulitakasa jina la Yehova.​—Isa. 43:10-12; Mt. 6:9.

Bila shaka, kuna sababu nyingine zaidi za kuhubiri. Kwa mfano, kuhubiri huimarisha imani yetu na pia tunapata pendeleo la kuwa wafanyakazi wenzi wa Mungu. (1 Kor. 3:9) Hata hivyo, sababu muhimu zaidi ya kuhubiri ni namba 12. Hata itikio liweje, kuhubiri huchangia kulitakasa jina la Mungu ili Yehova amjibu yule anayemdhihaki. (Met. 27:11) Kwa kweli, tuna sababu nzuri sana za ‘kuendelea bila kuacha kufundisha na kutangaza habari njema.’​—Mdo. 5:42.