Utafanya Nini Wakati wa Sikukuu?

Kwa kuwa watu wengi huwa nyumbani wakati wa sikukuu za kitaifa na za kidini, hizo ni nyakati nzuri za kushiriki katika huduma ya shambani. Makutaniko yanatiwa moyo kufanya mipango ya pekee ya kuhubiri wakati huo. Ikiwa watu wengi katika eneo lenu huchelewa kuamka nyakati hizo, ni jambo linalofaa kubadili wakati mnaokutana kwa ajili ya kufanya mkutano wa utumishi wa shambani. Tangazo linaweza kutolewa katika Mkutano wa Utumishi kuwaeleza wahubiri kwamba kutakuwa na mpango wa pekee wa kuhubiri wakati wa sikukuu na wahubiri watiwe moyo kuunga mkono mpango huo. Ni kweli kwamba wakati wa sikukuu tunapata nafasi ya kupumzika au kushughulikia mambo yetu binafsi. Hata hivyo, kwa nini tusitenge wakati fulani siku hiyo kushiriki katika huduma ya shambani? Kwa kufanya hivyo utapata shangwe inayotokana na kushiriki katika utumishi mtakatifu.​—Mt. 11:29, 30.