Kutimiza Huduma Yetu ya Ufalme Tukiwa Mashahidi wa Yehova
1 Tukiwa Mashahidi wa Yehova tuna pendeleo kubwa zaidi duniani. Twamwakilisha Yehova katika kesi ya mahakama ya ulimwengu wote mzima ambayo inawahukumu wale wote wanaoabudiwa wakiwa miungu. (Isa. 41:1, 23; 43:12) Ili kutusaidia tufanye utetezi unaostahili wa tumaini letu, Yehova ameandaa maktaba iliyojazwa vizuri sana vichapo. (1 Pet. 3:15) Watch Tower Publications Index ni kifaa muhimu katika kupata habari unayohitaji. (Fahirisi katika toleo la Desemba 15, la Mnara wa Mlinzi kila mwaka yaweza pia kutumiwa kupata habari inayohitajiwa.) Kufahamiana na sehemu mbalimbali kuu zayo kutatusaidia kuwa wenye ustadi katika kuitumia.
2 Sisi sote twapaswa kufahamiana vizuri na kichwa kikuu “Yehova.” Chini ya kichwa hicho katika 1986-1989 Index, je, wewe waweza kupata marejezo juu ya Yehova kuruhusu yaliyo mabaya kwa muda mfupi? Pia, utapata kichwa kilichowekwa katikati “Jina” katika 1930-1985 Index na pia katika Index ya sasa. Marejezo ya habari zote zilizoandikwa juu ya jina Yehova yamekusanywa pamoja hapo.
3 Kichwa kingine chenye maana kubwa ni “Mashahidi wa Yehova.” Kinaleta pamoja marejezo juu ya Mashahidi wa Yehova wakiwa tengenezo. Je, wewe unajua maoni yetu rasmi ni nini juu ya elimu ya juu, uchunguzi wa maiti kujua sababu ya kifo, kuua katika kujilinda, au usaidizi kwa ajili ya masilahi ya umma? Utapata marejezo kwa maswali kama hayo chini ya kichwa kidogo “maoni kuelekea—.” Mbele kidogo imeorodheshwa historia ya ki-siku-hizi ya Mashahidi wa Yehova katika nchi mbalimbali, na orodha ndefu sana ya maelezo juu ya Mashahidi wa Yehova yanapatikana chini ya kichwa kilichowekwa katikati “Taarifa za Wengine.”
4 Habari juu ya jinsi watu wa Yehova wametimiza huduma yao inaweza kufuatiwa kwa kutumia vichwa kadhaa vikuu. Chini ya kichwa kikuu “Tarehe,” pana kichwa kilichowekwa katikati “Kuelewesha Wazi Mambo Tunayoamini.” Marejezo kwenye mambo makuu yaliyoeleweshwa wazi kuhusu uelewevu wetu juu ya mafundisho, unabii, na viwakilishi vya kiunabii yanaorodheshwa kwa utaratibu kulingana na miaka. “Tarehe Zenye Maana ya Kiunabii” zafuata karibu mara hiyo. Hiyo ni miaka ambayo katika hiyo unabii mbalimbali au viwakilishi vilipoanza kutimizwa.
5 Masimulizi ya maisha ya watumishi waaminifu wa Yehova ni chanzo cha kitia-moyo na mafunzo kwetu sisi. Yaweza kutusaidia kuweka msingi imara kwa ajili ya wakati ujao katika watoto wetu na wanafunzi wetu wa Biblia. Utayapata masimulizi hayo ya maisha yameorodheshwa kwa majina ya watu binafsi na kichwa cha makala chini ya “Masimulizi ya Maisha ya Mashahidi wa Yehova.”
6 Jambo lisilo na kifani ni fundisho la Kimaandiko la makao ya namna mbili kwa wale wanaopata kibali cha Yehova—la kimbingu na la kidunia. Kichwa kikuu ambacho chini yacho tunapata marejezo juu ya wale ambao wamepokea “mwito wa kimbingu” ni “Kundi la Mungu.” (Ebr. 3:1; Mdo. 20:28; 1 Tim. 3:15, NW) Vichwa vikuu vingine ni “Mabaki” na “144,000.” Vichwa viwili “Mkutano Mkubwa” na “Kondoo Wengine,” ndivyo vinavyoelekeza kwenye habari inayoshughulika na wale ambao tumaini lao ni uhai wa milele duniani.—Ufu. 7:9; Yn. 10:16.
7 Tuwe vijana au wazee, pendeleo la kuwa mmoja wa Mashahidi wa Yehova lahusu kila upande wa maisha. Makala za wakati ujao katika Huduma ya Ufalme Yetu yataonyesha jinsi Index inavyoweza kutusaidia katika huduma yetu, katika kundi, ndani ya familia, na shambani.