Kutoa Broshua Ili Kutafuta-tafuta Wenye Kupendezwa

¹ Broshua ni zana zenye nguvu. Broshua ikiwa na kurasa 32 tu, inaweza kuthibitisha kweli za Kimaandiko na kupindua mawazo na mafundisho yaliyo kinyume cha ujuzi wa Mungu.—2 Kor. 10:5.

² Baada ya kusoma ile broshua Mashahidi wa Yehova—Wanafanya Mapenzi ya Mungu kwa Umoja Ulimwenguni Pote, mwanamume mmoja alichochewa kuandika hivi: “Sijapata kamwe kuona tengenezo kama hili. . . . Ni ajabu kupata watu wanaochukulia mapenzi ya Mungu kwa uzito sana katika kizazi hiki kilichojawa na unafiki wa kidini.” Mganga mmoja katika Afrika alijifunza broshua Furahia Milele Maisha Duniani! Ilikuwa na matokeo gani kwake? Alijiuzulu zoea lake la kuwa mganga akawaacha wanawake aliokuwa akiishi nao isipokuwa mke wake mkubwa. Kisha akahalalisha ndoa naye.

³ Ile broshua Je! Uamini Utatu? ni zana ya kweli yenye vithibitisho, yenye kusababu kuzuri, na yenye matokeo. Akitoa maelezo juu yayo, mwandikaji mmoja wa dini wa The Sunday Gleaner katika Jamaika, West Indies, alisema hivi: “Kichapo hicho . . . ni ustadi wenye mafaniko wa Mashahidi na sasa hakuna Mwanautatu—au mwanauwili—aliye salama. Kijitabu hicho kimejawa na manukuu tele kutoka vyanzo vya kihistoria na vya kitheolojia kuonyesha kwamba fundisho la Utatu halikutoka kwenye Biblia. . . . Ni vigumu sana kwa mwandikaji huyu wa dini kuona jinsi mshiriki wa kawaida wa kanisa—au hata mshiriki wa kanisa anayezidi yule wa kawaida—anavyoweza kujibu hoja hizo zenye kusukuma na zenye nguvu zinazopangwa kwa utaratibu na Mashahidi dhidi ya maoni ya kwamba Yesu ni Mungu.”

⁴ Zitumie Vema: Ili kuwa zenye matokeo, zana hizi zenye kuvutia na zenye mamlaka lazima ziangushwe kwa watu watakaozisoma. Kwa kuwa tuna broshua mbalimbali, kila mojayazo ikishughulika na kichwa tofauti, tunapaswa kujitahidi kutoa ile tunayoamua itamfaa mtu tunayemtolea ushahidi. Kuzijua broshua zetu na kuwa na unamna-namna wazo kutafanya iwe rahisi zaidi kwetu kuzitumia vema, iwe ni katika utumishi wa shambani, nyumbani, au mahali kwingineko.

⁵ Kwa mfano, ikiwa unaongea na mtu ambaye amevurugika juu ya fundiso la Jumuiya ya Wakristo la Utatu au ambaye huenda ikawa anafikiri kwamba Yesu ni Mungu, ni broshua ipi ambayo utatumia? Ikiwa mtu anauliza kwa nini Mungu mwenye kujali angeruhusu kuteseka kwingi sana, ni broshua ipi ambayo itatimiza uhitahi huo? Mtu akionyesha kufikiria juu ya uhitaji wa serikali ambayo inanufaisha watu, ni broshua ipi ambayo itamfaa?

⁶ Zaidi ya kujua ni broshua ipi utakayotumia, jitahidi kuamsha hamu ya mtu kuhusu yaliyomo ndani yayo. Hali zikiruhusu, onyesha au utoe kielezi ambacho chaweza kuchochea kupendezwa kwake katika kusoma habari hiyo. Au unaweza kusoma fungu moja au mawili pamoja na yeye, soma maandiko yaliyotajwa bila manukuu, na uzungumzie habari hiyo. Mafunzo ya Biblia mengi mazuri yameanzishwa kwa njia hiyo.

⁷ Broshua zetu hutoa majibu ya Kimaandiko na huwatia tumaini watu wanaopiga kite na kuugua juu ya mambo yenye kuchukiza yanayofanywa ulimwenguni. (Linganisha Ezekieli 9:4.) Watu wenye mfano wa kondoo wataitikia ujumbe uliomo katika fasihi hiyo. Ni pendeleo letu kutumia vizuri broshua katika pande zote za huduma yetu tunapotafuta-tafuta wenye kupendezwa.