Kazia Uangalifu Daima Ufundishaji Wako

¹ Programu mpya ya Shule ya Huduma ya Kitheokrasi itaanza Januari 1995. Ni nini kipya katika programu hiyo? Historia yenye kusisimua ya tengenezo la Yehova la kisiku hizi itakuwa habari ya mazungumzo katika nyingi za hotuba za maagizo. Wakati wa mwaka huo, kurasa 178 za kitabu Jehovah’s Witnesses—Proclaimers of God’s Kingdom zitafikiriwa katika Kiingereza. Kwa kuwa hakutakuwa na maswali ya kupitia baada ya hotuba ya maagizo kutoka kitabu Proclaimers, twaweza kufanyaje ili tukazie uangalifu ufundishaji wetu na kupanua manufaa?—1 Tim. 4:16.

² Ingawa wengi tayari wamesoma kitabu Proclaimers, kupitia habari hiyo katika ratiba ya shule kutasaidia wote wathamini hata zaidi urithi wao wa kitheokrasi. (Zab. 71:17, 18) Kwa nini usiweke kando wakati fulani kila juma upitie habari iliyogawiwa katika kitabu Proclaimers?

³ Hotuba za Maagizo Zenye Uchangamfu na za Kupendeza: Hotuba za maagizo kutoka kitabu Proclaimers au kichapo kinginecho mahali ambapo kitabu Proclaimers hakitumiwi, zapaswa kutolewa kwa njia ya uchangamfu na yenye kupendeza. Pia zapasa kuonyesha thamani yenye kutumika ya habari hiyo, tukiitumia ili kuongeza kwa kina heshima kwa tengenezo la Yehova na uthamini kwa mapendeleo tuliyo nayo tukiwa watumishi wa Mungu. Ikiwa kila familia inayohudhuria Shule yaleta kitabu Proclaimers au kichapo kitumiwacho kwa hotuba ya maagizo mkutanoni, washiriki wa familia wanaweza kufuata hotuba ya maagizo kwa ukaribu zaidi na kunufaika kutokana na vielezi na picha zilizo katika kitabu hicho.

⁴ Usomaji wa Biblia Wenye Kuamsha Fikira: Kusoma vizuri, pamoja na kukazia maana na hisia, ni sehemu ya maana ya ufundishaji wenye matokeo. Kwa kuongezea, kiasi cha habari iliyogawiwa ili kusomwa katika Hotuba Na. 2 si kikubwa zaidi, na mara nyingi wakati wa kutosha utakuwapo kwa ajili ya maelezo ya utangulizi na ya umalizio ya msemaji. Utangulizi wapaswa kuamsha kupendezwa katika mgawo wa habari na kutayarisha wasikilizaji watambue thamani yayo yenye kutumika. Umalizio waweza kutia ndani maelezo na matumizi ya masimulizi ya habari, msemaji akitumia kikamili wakati uliowekwa.

⁵ Habari zaidi juu ya programu ya shule na jinsi migawo itakavyoshughulikiwa yaweza kupatikana kwenye “Ratiba ya Shule ya Huduma ya Kitheokrasi ya 1995.” Twakazia uangalifu ufundishaji wetu kwa kupitia maagizo katika habari hii, kwa kutayarisha migawo yetu vizuri, na kwa kutumia shauri tunalopewa, ili tuboreke katika ustadi wa kusema na kufundisha. Wale ambao bado hawajajiandikisha katika shule wanakaribishwa kwa uchangamfu kufanya hivyo.