SOMO LA 2

Kutoa Hotuba kwa Njia ya Maongezi

2 Wakorintho 2:17

MUHTASARI: Zungumza kwa njia ya kawaida inayoonyesha jinsi unavyohisi kuhusu habari unayozungumzia na kuwahusu wasikilizaji wako.

Sali na ujitayarishe vizuri. Sali ili upate msaada wa kukazia fikira ujumbe wako, si kuhusu wasiwasi unaohisi. Hakikisha mambo makuu unayohitaji kuwasilisha yako wazi akilini mwako. Eleza mawazo kwa maneno yako mwenyewe; usirudie tu kusema maneno yaliyochapishwa.

Ikiwa utasoma Biblia au chapisho lingine kwa sauti, fahamu vizuri simulizi utakalosoma ili usomaji wako utiririke. Ikiwa kuna watu walionukuliwa, soma maneno yao kwa hisia, lakini usipite kiasi.
Zungumza kutoka moyoni. Fikiria kwa nini wasikilizaji wanahitaji kusikia ujumbe wako. Wakazie fikira. Kisha kupitia njia yako ya kusimama, ishara zako, na uso wako utaonyesha uchangamfu na urafiki.

Usifikiri kwamba kuzungumza kwa njia ya kawaida kunamaanisha kuzungumza kizembe. Dumisha heshima ya ujumbe wako kwa kuzungumza kwa njia inayoeleweka na iliyo sahihi kisarufi.
Watazame wasikilizaji wako. Watazame wale unaoongea nao ikiwa desturi za kwenu zinaruhusu. Unapotoa hotuba, usipitishe tu macho kutoka upande mmoja hadi mwingine ukiwatazama watu wote wa ujumla, bali mtazame mtu mmoja, kisha mtazame mwingine.