SOMO LA 10
Ubadilifu wa Sauti
Methali 8:4, 7
MUHTASARI: Wasilisha mawazo waziwazi na kuchochea hisia kwa kubadili kiasi cha sauti na mwendo wa kuzungumza.
JINSI YA KUFANYA HIVYO:
Badili kiasi cha sauti yako. Ongeza sauti ili kuonyesha mambo makuu na kuwachochea wasikilizaji wako. Fanya hivyo unaposoma Maandiko yenye ujumbe wa hukumu. Punguza sauti yako ili kufanya wasikilizaji wawe na hamu ya kujua utakalosema au unapozungumzia jambo lenye kuogopesha au kuhangaisha.
Ongeza na kupunguza uzito wa sauti yako. Ikiwa inafaa katika lugha yako, tumia sauti nyembamba kuonyesha shauku au kuonyesha ukubwa au umbali. Tumia sauti nzito unapozungumzia kitu kinachohuzunisha au kuhangaisha.
Badili mwendo wa kuzungumza. Zungumza haraka unapotaka kuonyesha msisimko. Zungumza polepole unapowasilisha mawazo muhimu.