1 Kuwa Na Azimio

MAANA YAKE NINI?

Bibi na bwana wenye wameazimia kushikamana na mupango wa ndoa yao wanaona ndoa kuwa kifungo chenye kuendelea, na hilo linafanya kukuwe hali ya usalama kati yao. Kila mumoja wao iko hakika kama bibi ao bwana yake ataheshimia naziri ya ndoa, hata wakati wa magumu.

Bibi na bwana fulani wanalazimika kubakia pamoja kwa sababu wanaogopa mambo yenye marafiki, wafanyakazi wenzao ao watu wa familia yao wanaweza kusema ikiwa wanaamua kuvunja ndoa. Lakini, jambo la muzuri zaidi ni kuwa na azimio la kushikamana na mupango wa ndoa, azimio lenye kutegemea upendo na heshima yenye bibi na bwana wanaonyeshana.

KANUNI YA BIBLIA: ‘Mume [ao, bwana] hapaswe kumuacha muke [ao, bibi] wake.’​—1 Wakorintho 7:11.

“Ikiwa unaazimia kubakia katika ndoa yako, usikuwe mwepesi kukasirika. Ukuwe mwepesi kusamehe na mwepesi kuomba musamaha. Uone matatizo kama vizuizi, hapana kama magumu yenye haiwezi kumalizika yenye kuongoza mutu avunje ndoa.”​—Micah.

SABABU GANI NI JAMBO LA MAANA

Wakati magumu yanawapata, bibi na bwana wenye hawana azimio la kushikamana na ndoa yao wanaweza kufikia kusema, ‘Tulidanganyika kuoana’ na wanaweza kutafuta njia za kuvunja ndoa.

“Watu wengi wanafunga ndoa wakijua kama ikiwa mambo hayaendeke, wanaweza tu kuivunja. Wakati watu wanafunga ndoa wakifikiri tayari kama kutakuwa nafasi ya kuivunja, wanakosa kuwa na azimio tangu tu mwanzo.”​—Jean.

MAMBO YENYE UNAWEZA KUFANYA

UJICHUNGUZE

Wakati muko munabishana . . .

• Unafikia kuhuzunika juu ulifunga ndoa na bibi ao bwana yako?

• Unajiwazia kuishi na mutu mwingine?

• Unasema maneno kama vile “Nitakuacha” ao “Nitapata mutu mwingine mwenye anapendezwa na mimi”?

Ikiwa ulijibu ndiyo kwenye moja ya maulizo hayo, sasa huu ndio wakati wa kutia nguvu azimio lako la kushikamana na mupango wa ndoa.

ZUNGUMUZA NA BIBI AO BWANA YAKO

• Kiasi cha azimio letu la kushikamana na mupango wa ndoa kimepunguka? Ikiwa ni hivyo, juu ya nini?

• Ni hatua gani tunaweza kuchukua sasa ili kutia nguvu azimio letu?

MASHAURI

• Mara fulani, andikia bibi ao bwana yako ujumbe mufupi wa kimapenzi

• Onyesha azimio lako la kushikamana na mupango wa ndoa kwa kutia picha za bibi ao bwana yako mahali penye zinaweza kuonekana kwenye kazi

• Kila siku, ita bibi ao bwana yako kwenye telefone wakati uko kwenye kazi ao mahali pengine

KANUNI YA BIBLIA: ‘Kile ambacho Mungu ameunganisha mutu yeyote asikitenganishe.’​—Mathayo 19:6.