Utafanya Nini na Maisha Yako?

¹ Nyakati nyingine watoto wanaulizwa, “Utapenda kufanya nini utakapokomaa?” Ulipokuwa bado kijana mdogo, je, labda ungesema kwamba unapenda kuwa mcheza kabumbu mwenye kujulikana sana? Mpashaji habari kwenye televizyo? mwangalizi wa mzunguko? Au ulipokuwa bado binti mdogo, labda ungesema kwamba ungependa kuwa binti anayecheza dansi vizuri? mganga? mishonari? Sasa kwa kuwa umekomaa, unapaswa kujiuliza ulizo lifuatalo, ‘Nitafanya nini na maisha yangu?’ Je, uko tayari kuamua?

² Ili kukusaidia ufanye uamuzi mzuri zaidi, tengenezo la Yehova limefanya DVD yenye kichwa Les jeunes s’interrogent... Que vais-je faire de ma vie ? Tafazali angalia DVD hiyo, na ufikirie kwa uangalifu sana mambo yote yaliyo ndani, kutia ndani drama, sehemu ya kuuliza maulizo, na mambo mengine. Mambo yaliyo ndani ya DVD yanapatikana katika kisanduku “Mambo Yanayopatikana Ndani.”

³ Drama: Unapoangalia drama hiyo, ufikirie maulizo yafuatayo: (1) Kuna mambo gani yenye kufanana kati ya Timotheo, anayezungumziwa katika Maandiko ya Kigiriki ya Kikristo, na Andre? (Mdo. 16:1; 1 Tim. 4:8; 2 Tim. 1:5) (2) Namna gani Andre alikaziwa sana ili awe mchezaji mzuri sana wa kukimbia mbio, na alikaziwa na nani? (3) Ni nani aliyeonekana kuwa rafiki mzuri wa Timotheo na Andre, na kwa njia gani? (2 Tim. 1:1-4; 3:14, 15) (4) Namna gani shauri linalopatikana kwenye Mathayo 6:24 na Wafilipi 3:8 lilimgusa Andre, na namna gani shauri hilo linakugusa wewe?

⁴ Vipindi Vilivyochaguliwa: Kisha kuangalia drama yote, rudilia vipindi vifuatavyo, na ujibu maulizo haya: Shauri la mwisho la Paulo kwa Timotheo lilikuwa gani? (2 Tim. 4:5) (Kipindi: “Paulo na Timotheo”); Wewe una miradi gani ya kiroho? (Kipindi: “Kumtolea Yehova Sehemu Iliyo Nzuri Zaidi”); Furaha ya kweli inatoka wapi? (Kipindi: “Kusimama Upande wa Yehova”); Kuna ubaya gani wa kutaka kuwa mtu mwenye kujulikana katika ulimwengu wa Shetani? (Mt. 4:9) (Kipindi: “Shauri la Mama Mzazi wa Mama ya Timotheo”); Ni jambo gani ulilopata linaloweza kukusaidia utosheke maishani? (Kipindi: “Hakuna Jambo la Kuhuzunikia”)—Met. 10:22.

⁵ Sehemu za Kuuliza Maulizo: Unapoangalia moja ya kila sehemu zinazofuata, ni jambo gani ambalo unaona unaweza kufanya ili kumtolea Yehova sehemu iliyo nzuri zaidi? (1) “Kujitoa Katika Ufuatiaji wa Mambo Yasiyo ya Maana Maishani au Kujitoa kwa Mungu?” (1 Yohana 2:17); (2) “Kujifunza Jinsi ya Kufurahia Kazi Yako ya Kuhubiri.” (Zab. 27:14); na (3) “Mlango Ulio Wazi kwa Ajili ya Utumishi.”—Mt. 6:33.

⁶ Kukumbuka Yale Yaliyotokea Katika Maisha: Je, unaweza kujibu? (1) Ni kazi gani za kimwili ambazo ndugu na dada walifuatia, na kwa nini? (2) Ni kwa kadiri gani walifikia yale waliyokuwa wakitafuta? (3) Ni jambo gani lililobadili kabisa maisha ya kila mmoja wao? (2 Kor. 5:15) (4) Ni sehemu gani za utumishi wa Mungu zilizochukua nafasi ya kazi zao za zamani, na kwa nini walifikiri kwamba hawangeweza kufuatia kazi zote mbili mara moja? (5) Je, wana huzuni yoyote kwa kuwa walibadili miradi yao katika maisha? (6) Ni mambo gani waliyosema ambayo yamefanya ufikiri kuhusu namna unavyopaswa kutumia maisha yako?

⁷ Sehemu Zingine za Kuuliza Watu Maulizo: Katika sehemu hizi za kuuliza watu maulizo, umejifunza mambo gani ambayo unaweza kufanya ili kujitoa kabisa katika utumishi wa Yehova? (1) “Faida ya Funzo la Pekee,” (2) “Namna Mbalimbali za Kuhubiri,” (3) “Utumishi wa Betheli,” (4) “Mazoezi ya Gileadi kuhusu Umishonari,” na (5) “Shule ya Mazoezi ya Kihuduma.” Rudilia “Indeksi ya Habari Zinazozungumziwa Katika DVD,” na usome kabisa kuhusu mambo yanayokupendeza zaidi.

⁸ Kwa hiyo, je, umeamua ni nini utafanya na maisha yako? Paulo alimtia moyo Timotheo: “Tafakari mambo haya, zama katika hayo, ili maendeleo yako yawe wazi kwa watu wote.” (1 Tim. 4:15) Tunakutia moyo kufanya hivyohivyo kutokana na yale ambayo umeona na kusikia kwenye DVD hii. Umwombe Yehova akusaidie uamue mambo kwa hekima; uamuzi ambao utakutolea furaha na kutosheka katika maisha sasa na kukutolea baraka na furaha wakati ujao.

[Kisanduku Kwenye Ukurasa wa 6]

MAMBO YANAYOPATIKANA NDANI (MENU PRINCIPAL)

Drama

Vipindi (sehemu 11)

Sehemu za Kuuliza Watu Maulizo yaani Interviews

Kufungua ili Kuona Vipindi Vyote

Vipindi (sehemu 3)

Kukumbuka Yale Yaliyotokea Katika Maisha

Mambo Mengine

Sehemu Zingine za Kuuliza  Watu Maulizo

Indeksi ya Habari  Zilizozungumziwa  Katika DVD

Vichwa Vidogo

Sehemu Yenye Maandishi kwa ajili ya Viziwi

Sehemu Bila Maandishi