1 Ukuwe Mwenye Kiasi

Mutu anaweza kufikiri kwamba atabadilisha mambo yote katika maisha yake mara moja. Unaweza kufikiri hivi, ‘Juma hili nitaacha kuvuta tumbako, kutukana wengine, kulala nyuma ya wakati; na nitaanza kufanya mazoezi ya mwili, kula chakula chenye kufaa, na kuongea na wazazi wa wazazi wangu.’ Lakini, kama unajaribu kutimiza mara moja mambo yote yenye umepanga, hautatimiza hata moja!

Mutu mwenye kiasi anaelewa kwamba hawezi kubadilisha mambo yote mara moja. Anatambua kwamba wakati, nguvu, na vitu vyenye iko navyo viko na mipaka. Kwa hiyo, kuliko kujaribu kubadilisha mambo yote mara moja, anafanya mabadiliko hatua kwa hatua.

MAMBO UNAWEZA KUFANYA

Uanze kwa kufanya mabadiliko juu ya tabia moja ao mbili. Hatua zenye kufuata zinaweza kusaidia:

1. Andika liste mbili. Kwenye liste ya kwanza uandike tabia za muzuri zenye unapenda kuwa nazo na kwenye liste ya pili uandike tabia yoyote ya mubaya yenye unapenda kuacha. Usiandike tabia kidogo tu; uandike kwenye kila liste tabia zote zenye unafikiria.

2. Ona mambo ya kutia pa nafasi ya kwanza kwenye liste zako, na uanze na mambo ya maana zaidi

3. Uchague tabia kidogo kwenye kila liste, pengine moja ao mbili tu, na ujikaze kufanya mabadiliko juu ya tabia hizo. Kisha, ufanye mabadiliko juu ya tabia ingine moja ao mbili zenye kuwa kwenye liste zako.

Fanya haraka ili kuacha tabia za mubaya na fanya haraka ili kuwa na tabia za muzuri. Kwa mufano, kama uliandika kwenye liste ya tabia za mubaya kuangalia sana televizyo, na kwenye liste ya tabia za muzuri kutembelea na kuzungumuza na watu wenye unapenda, unaweza kuamua kufanya hivi: ‘Kuliko kufungua mara moja televizyo wakati ninafika nyumbani, nitazungumuza kwanza na rafiki ao mutu wa jamaa.’