Tuisome Kwa Usahihi!

Wengi kati yetu hupata matatizo kwa kusoma mitajo ya Maandiko. Kwa upande mwingine, wengine huisoma kwa njia ya kukengeusha fikira za wasikilizaji. Basi, ni njia ipi ilio sahihi ya kusoma mitajo? Kitabu cha kujifunza kusoma na kuandika Appliquez-vous à la lecture et à l’écriture kinasema wazi kuhusu jambo hilo. Tujitahidi kutumia njia hiyo ya kufanya mambo inayopatikana kwenye ukurasa 75: “Ikiwa tunapenda kufasiria nafsi ni nini, tunaweza kutaja Mwanzo, sura ya pili, mstari wa saba. Mtajo utaandikwa kwa njia ifuatayo: Mwanzo 2:7.  . . . Vivyo hivyo, tungeweza kutaja sura ya sita ya kitabu cha Mathayo, toka mstari wa tisa hadi kumi na tatu.  . . . Mtajo unaandikwa: Mathayo 6:​9-13.” Vivyo hivyo, Mathayo 6:​9, 13, husomwa: Mathayo sura ya 6, mstari wa tisa na kumi na tatu, au kwa njia rahisi, Mathayo sita, tisa na kumi na tatu. Tumeona kwamba mahali pa kistari na mkato pametiwa maneno “hadi”, “na” au kistari hicho na mkato huo havitamkwi. Hatutasema, kwa mfano, “Mathayo sura ya sita, mstari wa tisa, mkato kumi na tatu!” Kwa kutamka kwa usahihi, tunajionyesha kuwa watendakazi ‘wanaotumia sawasawa neno la ile kweli’ kama wafanyavyo ndugu na dada wengine wenye kukomaa.​—2 Tim. 2:15; 1 Kor. 1:10.