Programu mpya ya kusanyiko la mzunguko

Tunajua kwamba Yehova Mungu anastahili upendo wetu na ujitoaji wetu kamili. Hata hivyo, ulimwengu unajaribu kutuvuta mbali tusidumishe uhusiano wa karibu pamoja na yeye. (Yn. 17:14) Ili kuimarisha upendo wetu kwa Yehova na kututia nguvu ili kushindana na mambo ya ulimwengu yanayotia hali yetu ya kiroho katika hatari, programu mpya ya kusanyiko la mzunguko kwa ajili ya mwaka wa utumishi 2001 itakuwa na kichwa “Mpendeni Mungu—Si Mambo ya Ulimwengu.”—1 Yn. 2:15-17.

Upendo wenye kina kirefu kwa Yehova unatulazimisha kutoa ushahidi juu yake. Hata hivyo, utumishi wa shambani si mwepesi kwa watu wa Mungu walio wengi. Katika sehemu “Upendo kwa Mungu Hutuchochea Katika Huduma Yetu,” jifunze jinsi walio wengi wamepata kushinda haya na vizuizi vingine ili kushiriki kikamili katika kazi hii.

Viwango vyenye kuharibika vya ulimwengu huu vina uvutano gani juu yetu? Matendo ambayo hapo mbele yalionwa kuwa mabaya yanaitwa sasa tabia ya kawaida. Hotuba “Wapendao Yehova Huchukia Lililo Baya” na hotuba-mfululizo “Vitu Vilivyo Katika Ulimwengu—Tunavionaje?” zitatia nguvu azimio letu la kusema hapana kwa tamaa mbaya.

Shule ya Huduma ya Kitheokrasi ya kielelezo na Mkutano wa Utumishi vitakuwa sehemu ya programu, na pia kifupi cha makala ya juma ya funzo la Mnara wa Mlinzi. Hotuba ya watu wote, “Jinsi Upendo na Imani Huushinda Ulimwengu,” itatutia moyo kuiga Yesu katika kushindana na mikazo ya ulimwengu. (Yn. 16:33) Hakikisha kwamba umealika wanafunzi wako wa Biblia ili wahudhurie. Yeyote anayetaka kubatizwa angepaswa kumjulisha mwangalizi-msimamizi mapema iwezekanavyo ili mipango ya lazima ichukuliwe.

Kusanyiko hili la mzunguko litakaza uangalifu wetu juu ya kile tunachopaswa kupenda hasa ili kufurahia baraka tele za Yehova. Usikose sehemu yoyote!