Je, Unatimiza Huduma
Yako Kikamili?
1 Katika kitabu cha Matendo, tunaambiwa kwamba wanafunzi wa Yesu walitimiza huduma yao kwa kutoa “ushahidi kamili” kwa watu. (Mdo. 2:40; 8:25; 28:23) Hilo bila shaka lilikuwa kusudi la mtume Paulo. (Mdo. 20:24) Je, huo si mradi wako ukiwa mhudumu wa habari njema? Unaweza kuutimizaje?
2 Tayarisha Utoaji Wako: Ili kuhakikisha kwamba unatoa ushahidi mzuri katika huduma, matayarisho ni ya maana. Hilo ni kweli hasa wakati wa kutolea watu magazeti, kwa kuwa habari inayozungumziwa hubadilika mara kwa mara. Ili kutusaidia kujitayarisha vizuri zaidi, toleo hili la Huduma Yetu ya Ufalme linaanzisha jambo jipya—sehemu kwenye mkono wa kushoto, ambayo inaorodhesha utoaji mbalimbali wa kielelezo kwa ajili ya magazeti ya kisasa Mnara wa Mlinzi na Amkeni! Habari yenye kufika pa wakati wenye kufaa na ambayo itavutia watu wengi itakaziwa kuhusu kila toleo. Unawezaje kuzungumzia utoaji huo mbalimbali ulio mfupi?
3 Chagua pendekezo ambalo unafikiri litakuwa lenye matokeo zaidi katika eneo lenu. Soma kwa uangalifu makala yanayoonyeshwa, na uone nukta fulani hasa ambazo yaelekea zitaamsha kupendezwa. Tafuta andiko linalotajwa katika gazeti, andiko linalopatana na mazungumzo na ambalo unaweza kusomea mwenye-nyumba. Ongeza maneno mafupi ya kumalizia ili kutia moyo msikilizaji wako asome gazeti, na ikiwa inafaa, sema kwa kifupi kwamba mwenye-nyumba anaweza kutoa zawadi kwa kazi ya ulimwenguni pote ya Mashahidi wa Yehova. Sasa, jizoeze utoaji wako.
4 Panga Kutumia Biblia: Kwa kupanga mambo vizuri, mara nyingi andiko linaweza kutiwa ndani ya utoaji wako. Kwa mfano, wahubiri wenye ujuzi mahali pengi ni wenye kupata mafanikio kwa kwenda kwenye mlango wakiwa na Biblia mkononi, wakisalimu mwenye-nyumba, na kusema:
◼ “Tunauliza watu ikiwa wanaamini jambo hili . . . ” Soma Mwanzo 1:1, na kisha uulize: “Je, unakubaliana na maneno haya?” Ikiwa mtu anakubali, basi sema: “Mimi pia ninakubaliana nayo. Lakini, je, unafikiri kwamba ikiwa Mungu aliumba vitu vyote, yeye pia ndiye wa kulaumiwa kwa sababu ya uovu?” Baada ya kushukuru mtu kwa jibu lake, soma Mhubiri 7:29. Fungua kitabu Ujuzi kwenye ukurasa wa 71, na usome fungu la 2. Tia mtu moyo asome kitabu hicho. Ikiwa mwenye-nyumba hakubaliani na maneno ya Mwanzo 1:1, umwombe achunguze kitabu Biblia—Neno la Mungu au la Binadamu?
5 Fuatia Upendezi Wote: Hauwezi kutimiza huduma yako kikamili ikiwa haufuatii upendezi unaopatikana. Wakati unapokuwa na mazungumzo mazuri, iwe kwamba uliachia mtu magazeti au vichapo vingine, andika jina na anwani ya mtu huyo. Jaribu kwa bidii kukomaza kupendezwa kwa mtu kwa kurudi haraka. Kwa vyovyote, pendekeza funzo la Biblia.
6 Wanafunzi wa karne ya kwanza walijua kwamba Yesu alikuwa amewaamuru “kutoa ushahidi kamili.” (Mdo. 10:42) Amri hiyohiyo inatuhusu sisi, kwa kuwa hiyo ndiyo njia pekee ambayo kwa hiyo tutaweza kufanya wanafunzi. (Mt. 28:19, 20) Acheni tufanye yote tuwezayo ili kutimiza huduma yetu kikamili.—2 Tim. 4:5.