Kutayarisha Namna ya Kutolea Mtu Gazeti

¹ Labda unaweza kujiuliza hivi: “Kwa nini kutayarisha namna ya kutolea watu magazeti, wakati namna mbalimbali za kutolea watu magazeti zinaonyeshwa katika kila Huduma Yetu ya Ufalme?” Ijapokuwa wengi wameona kwamba utoaji mbalimbali huo wenye kupendekezwa ni wenye kusaidia, hata hivyo matayarisho ya kila mmoja ni ya lazima. Namna ya kutolea watu magazeti katika eneo fulani, huenda isifae katika eneo lingine. Kwa hiyo, tunapotolea watu magazeti, hatulazimishwi kusema neno kwa neno utoaji mbalimbali kama ulivyoandikwa katika Huduma Yetu ya Ufalme. Hata ikiwa tunachagua kutumia utoaji fulani wenye kupendekezwa, ni vizuri kutia mawazo ya utoaji huo katika maneno yetu wenyewe.

² Chagua Habari Fulani: Ukisha kusoma gazeti, chagua habari fulani inayofaa eneo lenu na inayokupendeza wewe kabisa. Kuonyesha usadikisho na uchangamfu unapomuonyesha mtu habari hiyo kutamuchochea yeye pia atake kuisoma. Ijapokuwa unaweza kukazia habari yenye kuvutia watu wengi katika eneo lenu, ni vema pia ujue vizuri habari zingine zilizo katika gazeti hilo. Jambo hilo litakuwezesha kubadili utoaji wako unapokutana na mtu fulani ambaye huenda atapendezwa sana na habari nyingine.

³ Uliza Ulizo: Kisha, tayarisha kwa uangalifu maneno yako ya utangulizi. Maneno yako ya utangulizi ni ya lazima sana. Inaweza kuwa vizuri kuuliza msikilizaji ulizo fulani linalomfanya afikiri ili kumfanya apendezwe na habari ambayo umechagua kukazia. Mara nyingi maulizo ya kumfanya mtu atoe maoni yake yanaleta matokeo mazuri. Epuka kuuliza ulizo linaloweza kumfanya msikilizaji wako ajisikie vibaya au abishane nawe.

⁴ Soma Andiko Moja: Mwishowe, chagua andiko la kusoma ikiwa hali za msikilizaji wako zinaruhusu, labda andiko moja lenye kupatikana katika habari utakayokazia. Kusoma andiko moja kutasaidia msikilizaji aone kwamba habari yetu inatoka katika Neno la Mungu. (1 Thes. 2:13) Pia andiko litamutolea ushahidi hata ikiwa anakataa kuchukua magazeti. Wengine wameamsha kupendezwa kwa msikilizaji kwa kumsomea andiko mbele ya kuuliza ulizo. Mbele ya kusoma andiko unaweza kusema hivi: “Ningependa kujua wazo lako kuhusu yale ambayo Biblia inasema katika andiko hili.” Kisha vutia uangalifu wa mtu kwenye habari inayozungumziwa katika gazeti na kutoa maelezo mafupi ili kumfanya apendezwe zaidi mbele ya kumtolea gazeti.

⁵ Hakuna kanuni zenye kuwekwa zenye kuonyesha maneno ya kusema tunapotolea watu magazeti. Kwa kawaida, ni vizuri zaidi kufanya maneno ya utangulizi wako yawe rahisi na mafupi. Tumia maneno unayoweza kusema bila magumu na ambayo yanaleta matokeo mazuri. Onyesha namna magazeti hayo ni ya lazima sana na uwe mchangamfu. Ikiwa unajitayarisha vizuri, utakuwa na matokeo mazuri katika kutolea watu Mnara wa Mlinzi na Amkeni!, watu walio na “mwelekeo unaofaa kwa ajili ya uzima wa milele.”—Mdo. 13:48.

[Maulizo ya Funzo]

1. Kwa nini ni vizuri kutayarisha namna yetu wenyewe ya kutolea mtu gazeti fulani kuliko kuchunga tu akilini maneno yaleyale ya utoaji kama yanavyopendekezwa katika Huduma Yetu ya Ufalme?

2. Ni mambo gani yatakayokusaidia ili kujua habari gani utakayokazia?

3. Ni utangulizi wa namna gani ambao unatumia ili kupata matokeo mazuri?

4. Kuna faida gani za kusomea msikilizaji andiko fulani ikiwa hali zinaruhusu?

5. Ni mapendekezo gani ya maana ambayo unapaswa kuweka akilini unapotayarisha namna ya kutolea mtu gazeti?