TUJITOE KABISA KATIKA KAZI YA KUHUBIRI
Tukomalishe Ufundi Wetu wa Kuhubiri—Kuandika Namna Yako ya Kuwatolea Watu Magazeti
SABABU GANI NI LAZIMA KUFANYA HIVYO: Hata kama sehemu za namna ya kuanzisha mazungumuzo zenye kuwa katika buku la mukutano zinatupatia mawazo yenye kutusaidia sana, usisahau kwamba sehemu hizo ni mifano tu. Unapaswa kutumia maneno yako mwenyewe. Unaweza kutumia namna ingine ya kuanzisha mazungumuzo ao unaweza kuona kwamba habari ingine inaweza kuwavutia zaidi watu katika eneo. Kama ni hivyo, kisha kusoma gazeti, kuchunguza namna za kuanzisha mazungumuzo, na kuona video za kuonyesha namna ya kuanzisha mazungumuzo, unaweza kutumia mapendekezo yenye kufuata ili kuandika namna yako ya kuanzisha mazungumuzo.
NAMNA YA KUFANYA:
Ujiulize, ‘Je, nitumie moja kati ya mifano ya namna ya kuanzisha mazungumuzo?’
NDIYO
Utayarishe maneno yako ya utangulizi. Kisha kumusalimia musikilizaji, umuambie kwa kifupi sababu gani unamutembelea. (Unaweza kusema: “Nakutembelea kwa sababu . . . ”)
Uchague maneno yenye utasema kisha kumuuliza mutu ulizo, kumusomea andiko na kumutolea kichapo. (Mbele ya kusoma andiko unaweza kusema: “Jibu la ulizo hilo linapatikana katika andiko hili.”)
HAPANA
Uchague habari moja ya gazeti yenye kukupendeza na yenye itavutia watu wa eneo
Utayarishe ulizo lenye litamuchochea mutu atoe mawazo yake, lakini lenye halitamufanya ajisikie mubaya. (Kwa mufano unaweza kutumia maulizo yenye kuwa kwenye ukurasa wa 2 wa magazeti.)
Uchague andiko la kusoma. (Kama unamutolea mutu Amuka! unaweza kusoma andiko ao hapana, kwa sababu gazeti Amuka! inahusu watu wenye hawajue mambo mengi juu ya Biblia na pengine hawatumainie dini.)
Uchague maneno fulani yenye kumuonyesha musikilizaji faida yenye atapata kwa kusoma habari yenye unamutolea
Utayarishe ulizo lenye utamuachia ili kulijibia wakati utamurudilia
Andika mambo fulani yenye itakusaidia kukumbuka maneno yenye ulipanga kusema