Jinsi ya Kutumia Utoaji Mbalimbali Wenye Kupendekezwa
1 Utoaji mbalimbali wenye kupendekezwa kwa ajili ya kutoa magazeti yetu na vichapo vingine unaonekana kwa ukawaida katika Huduma Yetu ya Ufalme. Tunaposhiriki katika huduma, hatuhitaji kurudilia utoaji mbalimbali huo uliopendekezwa sawasawa kabisa kama ulivyoandikwa. Unatolewa ili kutupa wazo la ujumla la yale tunayoweza kusema. Kwa kawaida tutakuwa wenye matokeo zaidi ikiwa tunatumia utoaji mbalimbali huo tukitumia maneno yetu wenyewe. Kusema kwa namna ya kawaida kunatusaidia kumfanya mwenye nyumba ajisikie mwenye kustarehe na kunaonyesha weupe wa moyo na usadikisho.—2 Kor. 2:17; 1 The. 1:5.
2 Ambatanisha Utoaji Wako na Hali: Desturi za mahali zina uvutano sana juu ya utoaji wetu wa habari njema. Je, unaweza kutoa salamu kwa mwenye nyumba na kisha kuingiza utoaji wako katika maongezi, au watu wa eneo lenu wanatazamia kwamba useme moja kwa moja jambo unalo? Hilo linatofautiana kulingana na kila mahali na nyakati nyingine kulingana na kila mtu. Katika kutumia maulizo, utambuzi pia unahitajiwa. Maulizo yenye kufaa mahali fulani huenda yanaweza kufanya watu wajisikie vibaya mahali pengine. Kwa sababu hiyo, lazima tutumie uamuzi mzuri na kupatanisha utoaji wetu mbalimbali ulingane na yale yanayokubaliwa mahali petu.
3 Kwa kuongezea, tunahitaji kufikiria malezi na namna ya kufikiri ya watu walio katika eneo letu tunapojitayarisha kuhusu utumishi wa shambani. Kwa mfano, yaelekea ungezungumzia Mathayo 6:9, 10 pamoja na Mkatholiki aliyejitoa sana, tofauti na jinsi ambavyo ungefanya pamoja na mtu asiyejua sala ya “Baba Yetu”. Kwa kufikiri kidogo kimbele, tunaweza mara kwa mara kuambatanisha utoaji wetu mbalimbali ili uweze kuvutia zaidi watu tunaokutana nao katika huduma.—1 Kor. 9:20-23.
4 Hata ikiwa utoaji tunaopanga kutumia unakaribiana na utoaji wenye kupendekezwa, kama unavyoandikwa, hata hivyo hakuna kinachoweza kuchukua mahali pa matayarisho mazuri. Tunapaswa kusoma kwa uangalifu makala au sura tunayopanga kukazia na kutafuta ndani mambo yanayoweza kuamsha kupendezwa. Kisha tuyaingize mambo hayo katika utoaji wetu. Ni kwa kufahamiana tu na habari nzuri zilizo katika vichapo vyetu ndipo tunapoweza kuvitolea watu kwa shauku.
5 Matangulizi Mengine: Je, tunaombwa kutumia tu matangulizi yanayoonyeshwa katika utoaji wenye kupendekezwa? Sivyo. Ikiwa ni vyepesi kwako kutumia utangulizi mwingine au andiko tofauti, unaweza kufanya hivyo. Hasa kuhusu magazeti, tafuta nafasi za kukazia makala zingine zinazoweza kuchochea upendezi wa pekee kwa watu katika eneo lenu. Tunapofanya maonyesho ya utoaji mbalimbali kuhusu utumishi wa shambani kwenye Mkutano wa Utumishi, mipango inaweza kuchukuliwa ili kufanya onyesho la utoaji wowote wenye matokeo katika eneo letu. Katika njia hiyo wote wanaweza kusaidiwa ili kutoa habari njema kwa matokeo.
[Maulizo ya Funzo]
1. Tunapaswaje kuuona utoaji mbalimbali wenye kupendekezwa ambao umetolewa katika Huduma Yetu ya Ufalme?
2. Kwa nini tunahitaji kufikiria desturi za mahali tunapotayarisha utoaji mbalimbali?
3. Kwa nini kufikiria malezi na namna ya kufikiri ya wale tunaozungumza nao?
4. Kwa nini kujitayarisha vizuri ni kwa lazima?
5. Kwa nini tunaweza kutayarisha utoaji tofauti, na tunawezaje kufanya hivyo?