Tuseme Nini Kuhusu Magazeti

MNARA WA MLINZI Aprili 15

“Mahali popote wanapoishi, watu wanapendezwa na usalama, kama vile kupata na kulinda kazi nzuri. Lakini je, umekwisha kufikiria jambo la kwamba kuna chanzo cha usalama wenye kudumu, kinachokuwezesha kuwa salama milele? [Soma Zaburi 16:​8, 9.] Toleo hili la Mnara wa Mlinzi linazungumzia mahali ambapo usalama wa kweli unaweza kupatikana.”

Amkeni! Aprili 22

“Wengi leo ni wenye kuacha dini zenye kusitawi ili kuabudu Mungu kwa namna yao wenyewe. Unafikiri nini kuhusu mwelekeo huo? [Acha mtu ajibu.] Biblia inaonyesha kwamba jinsi tunavyoabudu Mungu ni jambo la maana sana kwake. [Soma Yohana 4:​24.] Toleo hili la Amkeni! linasema kuhusu njia bora ya kutimiza mahitaji yako ya kiroho.”

MNARA WA MLINZI Mei 1

“Je, unajua mtu fulani aliye mgonjwa sana au aliye na ulemavu fulani? Bila shaka unakubali kwamba watu kama hao wanahitaji kitia-moyo. Lakini tunaweza kusema nini ili kuwatia moyo? Biblia inatoa maneno ya tumaini. [Soma Isaya 35:​5, 6.] Toleo hili la Mnara wa Mlinzi linaeleza kwa nini tunaweza kuwa hakika kwamba unabii huu utatimia.”

Amkeni! Mei 8

“Mwaka huu uliopita, amani imekuwa hatarini kuliko wakati mwingine wowote. Je, unafikiri kwamba serikali za kibinadamu zinaweza kuleta amani ulimwenguni pote? [Baada ya kusikia jibu, soma Isaya 2:4.] Toleo hili la Amkeni! linaonyesha kwa nini tunaweza kuwa hakika kwamba karibuni amani ulimwenguni pote itakuwa jambo halisi.”