Tuseme Nini Kuhusu Magazeti

Mnara wa Mlinzi Sept. 15

“Watu ulimwenguni pote wamesikia kuhusu Yesu Kristo. Watu fulani wanasema kwamba alikuwa mtu wa ajabu. Wengine wanamwabudu kama Mungu Mweza Yote. Unafikiri Yesu Kristo alikuwa nani? [Acha mtu ajibu.] Gazeti hili linazungumzia kwa usahihi Yesu alikuwa nani, alitoka wapi, na mahali alipo sasa.” Soma Yohana 17:3.

Amkeni! Sept. 22

“Watu wengi hawana uwezo wa kujipatia mahali pazuri pa kuishi. Je, unafikiri kwamba siku fulani kila mtu atakuwa na nyumba ifaayo? [Acha mtu ajibu.] Amkeni! inatoa ripoti ya kisasa kuhusu tatizo la kupata nyumba. Inaonyesha pia kwa nini tunaweza kuwa hakika kwamba ahadi hii ya Mungu itatimizwa.” Soma Isaya 65:21, 22.

Mnara wa Mlinzi Okt. 1

Soma ulizo kwenye kifuniko cha gazeti. Kisha uliza: “Unajua jambo hili linazungumzia alama gani? [Acha mtu ajibu. Kisha soma Mathayo 24:3.] Nakala hii ya Mnara wa Mlinzi inazungumzia mambo matano ya maana ya alama hiyo na inaeleza kwa nini tunahitaji kuitambua.” Onyesha kisanduku kwenye ukurasa wa 6.

Amkeni! Okt. 8

“Matumizi mabaya ya pombe yanatokeza matatizo mengi. Gazeti hili linaonyesha matokeo ya pombe juu ya mwili. [Onyesha picha kwenye ukurasa wa 7.] Makala hizi zinazungumzia jinsi watu wanavyoweza kuacha matumizi yasiyofaa ya pombe na yale ambayo wengine wanaweza kufanya ili kuwasaidia wafikie jambo hilo.”