Msisahau Wale Ambao Wameacha Kutenda
1 Je, unamjua ndugu au dada yeyote ambaye ameacha kutenda? Labda ameacha kushirikiana na kutaniko na amekwisha kupeperushwa. Labda umekutana na ndugu au dada huyo ulipokuwa ukihubiri nyumba kwa nyumba. Tunapaswa kukumbuka kwamba yeye angali bado ndugu au dada yetu wa kiroho. Tunapenda kumuhakikishia kwamba tunampenda na tunapenda kumsaidia arudi katika kutaniko na kwa ‘mchungaji na mwangalizi wa nafsi zetu.’—1 Pet. 2:25.
2 Onyesha Kwamba Unawahangaikia: Kuzungumza kidogo kwenye telefone na ndugu au dada ambaye ameacha kutenda au kumtembelea kidogo kunaweza kumhakikishia kwamba hatujamsahau. Tunaweza kusema nini? Tunaweza kumtia moyo kwa kumwonyesha tu kwamba tulikuwa tukimfikiria. Fanya mazungumzo yawe yenye kupendeza na yenye kujenga. (Flp. 4:8) Tunaweza kutaja jambo lililotupendeza kwenye mkutano uliopita hivi karibuni. Tunaweza pia kumwalika kwenye mkutano au mkusanyiko unaokuja na kumwambia kwamba tutamchungia nafasi au tunaweza kumtolea feza za usafirisaji.
3 Dada mmoja ambaye alikuwa akihubiri katika eneo lao, alikutana na dada aliyeacha kutenda kwa muda wa miaka zaidi ya 20. Ijapokuwa alikataa funzo la Biblia, dada aliyekutana naye, aliendelea kumrudilia na kumwachia magazeti mapya. Kisha mkusanyiko wa wilaya, mhubiri huyo alimtolea dada huyo aliyekuwa ameacha kutenda mambo makuu ya mkusanyiko, na mwishowe akaanza kutenda tena.
4 Wakati Ndugu au Dada Fulani Anaporudi: Namna gani tunapaswa kumtendea ndugu au dada ambaye ameacha kutenda anapoanza kuja tena kwenye mikutano? Namna gani Yesu alitendea wanafunzi wake waliomwacha kwa muda? Aliwaita “ndugu” zake kwa upendo na pia alionyesha kwamba alikuwa bado anawatumainia. Aliwatolea mgawo wa maana. (Mt. 28:10, 18, 19) Muda kidogo baadaye, walitumika kwa bidii wakitangaza habari njema “bila kuacha.”—Mdo. 5:42.
5 Kabla ya kuanza kujifunza Biblia tena na ndugu au dada ambaye ameacha kutenda au kabla ya kumwalika ndugu au dada ambaye ameacha kutenda kwa muda mrefu ili atusindikize katika kazi ya kuhubiri, tunapaswa kutafuta mwongozo wa wazee. Katika eneo, tukikutana na mhubiri ambaye ameacha kutenda, tunapaswa kuwaelezea wazee ili wamtolee msaada unaohitajiwa.
6 Kama Biblia inavyoonyesha waziwazi, ni wale tu wanaokimbia mpaka mwisho ndio wataokolewa. (Mt. 24:13) Kwa hiyo, usiwaache wale ambao labda wamejikwaa au kupeperushwa. Ikiwa tunaiga kwa uvumilivu upendo wa Yehova kwa kuonyesha kupendezwa kipekee na watu hao, tunaweza kupata furaha ya kuwaona wakirudilia utumishi wao mtakatifu pamoja nasi.—Luka 15:4-10.
[Maulizo ya Funzo]
1. Kwa nini tunapaswa kujikaza kutia moyo wale ambao wameacha kutenda?
2. Namna gani tunaweza kumtia moyo ndugu au dada ambaye ameacha kutenda?
3. Namna gani dada mmoja alianza kutenda tena?
4. Namna gani tunaweza kumtendea ndugu au dada fulani ambaye anarudilia tena kuhuzuria mikutano?
5. Taja hali ambazo zinaweza kutufanya tuzungumze na wazee kuhusu ndugu au dada ambaye ameacha kutenda.
6. Ni furaha gani tunayoweza kupata kwa kuwasaidia wale ambao wameacha kutenda?