Kampanye Kubwa Zaidi ya Mahubiri Ambayo Haijafanyika Ulimwenguni!
Mashahidi wa Yehova wamekuwa wakihubiri habari njema kwa zaidi ya miaka 100. (1 Kor. 9:23) Katika kampeni hii ya kuhubiri iliyo kubwa zaidi ambayo haijafanyika ulimwenguni, tunatoa ujumbe huo katika luga nyingi na katika inchi zaidi ya 230. (Mt. 24:14) Lakini, kwa nini kazi hii ni ya maana? Na namna gani inatimizwa ulimwenguni pote?
Video Les Témoins de Jéhovah : organisés pour prêcher la bonne nouvelle inajibu maulizo hayo kwa kutoa habari zaidi kuhusu sehemu mbalimbali za kazi tunayofanya ulimwenguni pote. Unapotazama video hiyo, fikiria maulizo haya: (1) Namna gani kazi yetu inapangwa na kuongozwa? (2) Namna gani biro za Uandikaji, Utafsiri, Uchoraji na Rekodi ya Kaseti na Video zinasaidia kutangaza habari njema? (3) Ni kwa kusudi gani tunapanua kazi yetu ya kuchapisha na kusafirisha vitabu? (Yoh. 17:3) (4) Ni vichapo vingapi vinavyochapishwa katika mwaka? (5) Vitabu vyetu vyenye kutegemea Biblia vimetimiza nini? (Ebr. 4:12) (6) Ni jambo gani linalofanywa ili kutolea msaada wa kiroho wale walio na matatizo ya kuona au ya kusikia? (7) Garama (dépenses) kuhusu kazi yetu inalipwa namna gani? (8) Namna gani tunafaidika na kazi ya huduma za Habari ya Kihospitali (Service d’information hospitalier), biro ya Utumishi, na Biro ya Mikusanyiko? (9) Ukiwa Shahidi wa Yehova, namna gani video hii inaongeza uelewevu wako na shukrani yako kuelekea (a) bidii ambayo tengenezo la Yehova linafanya ili kuhubiri habari njema ya ufalme? (b) zaidi ya familia 100 za wanabetheli ulimwenguni pote? (c) masomo kwa ajili ya waangalizi na wamishonari? (d) programu ya kuanza siku kwa kuchunguza andiko ya Biblia na kutayarisha mikutano ya kila juma? (e) faida za kuhuzuria Mikutano yetu ya Kikristo? (f) ahadi ya Paradiso duniani? (Isa. 11:9) (g) kushiriki kipekee katika kazi ya mavuno yenye kuendelea?—Yoh. 4:35.
Ni matokeo mazuri gani uliyopata ulipotazama video hii pamoja na watu wa jamaa lako, watu unaofahamiana nao, watu unaorudilia katika mahubiri, na wale unaojifunza nao Biblia? Kwa nini usitazame video hii na mtu mwingine na kumhubiria habari njema hivi karibuni?—Mt. 28:19, 20.