Je, Unatumia Sehemu Zake Zote?
1 “Nitaitumia katika mahubiri bila kukawia!” Hayo ni maneno ambayo dada mmoja aliandika kisha kusoma Mnara wa Mlinzi wa tarehe 1 mwezi wa 1, 2008. Je, umekwisha kuchunguza sehemu fulani za toleo la watu wote, na je, umepata nafasi ya kuzitumia vizuri katika mahubiri?
2 “Tunayojifunza Kutoka kwa Yesu”: Labda umeona sehemu hii kuwa yenye kusaidia ili kuanzisha mafunzo ya Biblia. Ikiwa haujafanya hivyo, jaribu kusomea msikilizaji kichwa cha habari na kisha umwonyeshe yale ambayo Yesu alisema kuhusu jambo hilo, kama inavyoonyeshwa kwenye fungu la kwanza. Mtu anapopendezwa mara ya kwanza, jikaze ili kuendelesha mazungumzo kwa kutumia vichwa vidogo, ambavyo vinatolewa ili kuchochea msikilizaji afikiri. Omba msikilizaji atoe maoni yake kuhusu maulizo hayo. Eleza kwa kifupi picha yoyote inayohusiana na habari, na kisha zungumzia fungu linalofuata. Unaweza kumaliza sehemu moja ya habari unapohubiria mtu kwa mara ya kwanza, na kisha kuzungumzia sehemu inayobaki utakapomrudilia tena. Uwe tayari kuendelesha funzo katika kitabu Biblia Inafundisha.
3 “Siri ya Furaha ya Familia”: Kusudi la habari hizo, zinazotolewa kisha miezi mitatu ni kuwasaidia waume, wake, na wazazi kuona jinsi ya kutumia kanuni za Biblia wanapopatwa na matatizo yanayofanya familia ikose amani. Unaweza pia kutumia habari hizo ili kusaidia wale ambao si Mashahidi waone hekima iliyo katika Biblia.—2 Tim. 3:16, 17.
4 Sehemu Zinazohusu Vijana: Habari “Kwa Ajili ya Vijana Wetu” zinasaidia msomaji afikiri kuhusu simulizi la Biblia ambalo linaweza kutumiwa ili kuelewa zaidi simulizi hilo. Unaweza kutumia habari hizi ili kusaidia vijana unaokutana katika mahubiri waone faida ya kujifunza Neno la Mungu. (Zab. 119:9, 105) Unapozungumza na wazazi, unaweza kukazia habari “Wafundishe Watoto Wako” inayotolewa kisha kila mwezi unaofuata. Habari hizo zinaweza kusaidia watoto wajifunze mambo ya maana kutokana na watu wanaozungumziwa katika Biblia. Je, umekwisha kuchukua wakati ili kusomea watoto wako habari hizo?
5 Sehemu Zingine: Kila mwezi, sehemu, “Wasomaji Wetu Wanauliza” inazungumzia ulizo ambalo wale ambao si Mashahidi wanaweza kutokeza. Unaweza kukazia habari hii unapotolea watu magazeti nyumba kwa nyumba. Sehemu “Barua Kutoka . . .” ni masimulizi ya maisha ya mtu yanayoonyesha magumu ambayo mishonari na wengine wanapata katika mahubiri. Habari hizo zinaweza kuwasaidia wale wenye kupendezwa waone kwamba habari njema inaendelea kuhubiriwa ulimwenguni pote, kwa utimizo wa alama ya kuwapo kwa Kristo.—Mt. 24:3, 14.
6 Sehemu inayotolewa kila mwezi “Mkaribie Mungu,” inayotegemea usomaji wa Biblia kwa ajili ya Shule ya Huduma ya Kitheokrasi, inaweza kuchochea wale wenye moyo wa haki watake kujifunza mengi kuhusu Yehova. Habari “Igeni Imani Yao,” zinazotolewa mara ine kwa mwaka zimekusudiwa ili kusaidia watu waweke akilini masimulizi ya Biblia kuhusu watu wanaozungumziwa, yaani maamuzi yao, magumu waliyopata, na imani yao kwa faida ya wasomaji wa sasa.
7 Ni jambo lenye kupendeza kabisa kupokea kila mwezi gazeti Mnara wa Mlinzi la kutumia katika mahubiri. Kwa vyovyote, na tuelewe vizuri kabisa habari zilizo katika gazeti hili na kutumia sehemu zake zote katika kazi yetu ya kuhubiri.