Kampanye ya Pekee ya Kualika Watu Kwenye Ukumbusho!
1. Wahubiri wa Ufalme watashugulika na kazi gani ulimwenguni pote kuanzia tarehe 21 mwezi wa 3, 2009, na kwa nini?
1 Siku ya Ine tarehe 9 mwezi wa 4, 2009, waabudu wa Yehova Mungu ulimwenguni pote watakusanyika ili kukumbuka tendo lake kubwa zaidi la upendo kwa wanadamu. (Rom. 5:6-8) Tunatazamia sana kwamba mamilioni ya watu wenye kupendezwa watajiunga pamoja nasi tutakapoazimisha kifo cha Yesu. Vikaratasi vya pekee vya kualika watu kwenye Ukumbusho vitagawanywa duniani pote kuanzia tarehe 21 mwezi wa 3.
2. Ni mambo gani tunayopaswa kukumbuka tunapotolea watu vikaratasi vya mwaliko?
2 Mambo ya Kukumbuka: Tumia vizuri picha, maulizo na andiko linalotajwa kwenye kikaratasi cha mwaliko. Kwa mfano, unaweza kuonyesha picha iliyo kwenye ukurasa wa kwanza na kusema hivi: “Ninapenda kukualika uje kuazimisha pamoja nasi kifo cha Yesu Siku ya Ine tarehe 9 mwezi wa 4, 2009.” Kisha, onyesha kichwa cha habari kwenye kikaratasi cha mwaliko na maulizo yenye kufuata. Umweleze msikilizaji kwamba anaweza pia kualika washiriki wa familia yake na watu wengine ambao anapenda waje pamoja naye.
3. Tutafanya nini ikiwa tulitolea mutu kikaratasi cha mwaliko mwanzoni mwa kampanye?
3 Ikiwa kutaniko lenu lina eneo kubwa, wazee wanaweza kuwaambia mwache vikaratasi vya mwaliko kwa watu wasiokuwa nyumbani. Siku za Posho na Siku za Yenga, toleeni watu magazeti pamoja na vikaratasi vya mwaliko. Musikose kualika watu munaorudilia katika mahubiri, mafunzo ya Biblia, washiriki wa jamaa, wanafunzi wenzenu, wafanyakazi wenzenu, majirani na watu wengine munaofahamiana nao. Mwaka jana, dada mmoja alialika watu 30 kati ya washiriki wa jamaa yake, na kisha aliwakumbusha mara kwa mara kuhusu umaana wa tukio hilo. Alifurahi sana kwa kuwa watu 25 kati yao walihuzuria, na 4 walikubali mwishowe kujifunza Biblia!
4. Ni matayarisho gani tunayopaswa kufanya sasa, na kwa nini?
4 Tujitayarishe Sasa: Katika mwezi wa 3 na wa 4, wahubiri wengi wanaweza kuongeza saa wanazotumia katika mahubiri. Ikiwa tuna watoto ao wanafunzi wa Biblia wanaofanya maendeleo, huo unaweza kuwa wakati mzuri zaidi kwao ili kuwa wahubiri wasiobatizwa. Sasa ndio wakati wa kuanza kujitayarisha ili kushiriki kwa kadiri tunavyoweza katika kampanye hiyo ya kutangazia watu mwazimisho unaohusu upendo mkubwa zaidi ulioonyeshwa na watu wawili.—Yoh. 3:16; 15:13.