Je, Kichapo Hiki Kinafaa?

Hilo ni ulizo nzuri tunalopaswa kujiuliza kuhusu kila kichapo tunachotayarisha kutolea watu. Kichapo chochote kilicho na pembe zenye kukunjama, kilichochakaa, kilicho kichafu, ao kukatika-katika kinaweza kuharibu sifa ya tengenezo letu na kinaweza kumufanya mutu azarau ujumbe muzuri wenye kuokoa maisha ulio katika kichapo hicho.

Tunaweza kufanya nini ili vichapo vyetu viendelee kubaki safi? Wengi wanapanga vizuri mufuko wao wa mahubiri kwa kuweka pamoja vichapo vya aina moja. Kwa mufano, wana nafasi kwa ajili ya vitabu, nafasi nyingine kwa ajili ya magazeti na broshua, nafasi nyingine kwa ajili ya trakti, na kazalika. Kila wakati wanaporudisha Biblia yao na vichapo vingine katika mufuko, wanafanya hivyo kwa uangalifu ili visiharibike. Wahubiri fulani wanaweka vichapo vyao katika mukoba ao katika mifuko mingine ya plastike. Iwe tunatumia njia gani ili kuchunga vichapo vyetu, hatutaki mutu yeyote apate sababu ya kuchambua kazi yetu kwa sababu tumemutolea kichapo kilichoharibika.—2 Kor. 6:3.