Tukomalishe Ufundi Wetu wa Kuhubiri—Kumutayarisha Musikilizaji ili Kumurudilia

Sababu Gani ni Lazima Kufanya Hivyo: Wakati tunakutana na mutu anayependezwa, tunafurahi kumurudilia wakati atapatikana nyumbani kwake ili tuweze kutia maji mbegu ya kweli tuliyopanda. (1 Kor. 3:6) Ili tufanye hivyo, kila mara mbele ya kuachana na musikilizaji, ni vizuri tumutayarishe kwa ajili ya mazungumuzo ya siku ingine kwa kumuuliza ikiwa anapenda tumurudilie siku gani. Tena, ni vizuri kuacha ulizo la kuzungumuzia wakati tutamurudilia. Hilo litachochea musikilizaji atuchunge kwa hamu, na ikiwa jibu la ulizo hilo linapatikana katika kichapo ambacho tunamuachia, atakisoma kwa hamu. Kumutayarisha musikilizaji juu ya mazungumuzo mengine kunafanya iwe rahisi kumurudilia kwa sababu mumekwisha kuchagua habari ambayo mutazungumuzia, na musikilizaji anajua mutazungumuzia nini. Wakati unamurudilia, unaweza kumuambia kwamba umekuja ili kujibia ulizo uliloacha na kisha muendelee na mazungumuzo.