Tukomalishe Ufundi Wetu wa Kuhubiri—Uwazoeze Wahubiri Wapya

Sababu Gani Ni Lazima Kufanya Hivyo: Wanafunzi wapya wa Yesu wanapaswa kujifunza kushika “mambo yote” yenye aliamuru, kama vile kuwafundisha wengine kweli ya Biblia. (Mt. 28:19, 20) Wanafunzi wengi wa Biblia wamekuwa na sifa za kustahili ili kupita kwenye Masomo ya Huduma ya Kiteokrasi, na pengine wamekwisha kuhubiria watu wa familia ao marafiki zao. Kwa hiyo, kadiri wanaendelea kupendezwa na mambo yenye wanajifunza na kujua kwamba Yehova anapenda watu wote wasikie habari njema, hilo linaweza kuwapatia tamaa ya kufanya kazi ya kuhubiri. (Rom. 10:13, 14) Wakati mwanafunzi wa Biblia anafanya maendeleo ya kiroho na kukubaliwa kuwa muhubiri asiyebatizwa, inaomba apate mazoezi mazuri yenye itamusaidia asikuwe na wasiwasi ya kuchukua hatua hiyo ya lazima sana.—Lu. 6:40.

Namna ya Kufanya:

Umusaidie muhubiri mupya kupata vichapo vyenye iko navyo lazima kwa ajili ya kazi ya kuhubiri na kufundisha.Umuonyeshe ni vichapo gani unatia katika sakoshi yako ya mahubiri, na umuelezee kusudi la kila kichapo.
Muchague pendekezo fulani katika Huduma Yetu ya Ufalme lenye kuonyesha namna ya kuanzisha mazungumuzo na mufanye mazoezi pamoja.Umutie moyo atumie pendekezo hilo katika maneno yake mwenyewe. Muchunguze vikao fulani vyenye kuwa kawaida katika eneo lenu kwenye ukurasa wa 82 katika kitabu Shule ya Huduma. Umuonyeshe sababu gani ni jambo la maana kuvaa na kujipamba kwa kiasi.—2 Kor. 6:3, 4.
Umuzoeze hatua kwa hatua.Umuonyeshe muhubiri mupya karte ya eneo lako, na umufundishe namna ya kutumia rekodi ya nyumba kwa nyumba (S-8). Umuonyeshe namna ya kuandika majina na adresi ya watu wenye kupendezwa. Umufundishe namna ya kutumia adresi yetu ya jw.org katika mahubiri na pia kijitabu Une bonne nouvelle pour des gens de toutes nations. Umusaidie kufuatia upendezi.—1 Kor. 3:6.
Ukuwe mwenye uvumilivu na mwenye kupongeza. (Met. 25:11)Umuonyeshe mufano muzuri. Bidii yenye unaonyesha na namna unamuhangaikia muhubiri mupya itakuwa na matokeo mazuri katika miaka yenye kuwa mbele.

Tumikisha Shauri Hili Katika Mwezi:

Mufanye mahubiri ya nyumba kwa nyumba pamoja na mwanafunzi wako, na uende pamoja naye ili kurudilia watu ao kuongoza funzo la Biblia. Ikiwa hauna mwanafunzi wa kuzoeza, upange kuhubiri pamoja na muhubiri mwenye kuwa na uzoefu kidogo.