Tukomalishe Ufundi Wetu wa Kuhubiri—Tuwatolee Watu Kitabu Biblia Inafundisha

Sababu Gani Ni Lazima Kufanya Hivyo: Kitabu Biblia Inafundisha ni chombo cha kwanza kati ya vyombo mbalimbali vya kutusaidia kufundisha watu Biblia. Hata hivyo, tunapaswa kumutolea mutu kwanza kitabu hicho mbele ya kuanza kujifunza naye. Kwa hiyo, tunapaswa kujikaza sana ili kukomalisha ufundi wetu wa kutolea watu kitabu Biblia Inafundisha katika mahubiri. (Met. 22:29) Kuna njia mbalimbali za kuwatolea watu kitabu hicho, na kila muhubiri anapaswa kutumia njia yenye kumuletea matokeo mazuri.

Namna ya Kufanya:

Uliza ulizo lenye linaweza kumuchochea musikilizaji apendezwe, na lenye jibu lake linapatikana katika sura fulani ya kitabu hicho. Unaweza hata kuchagua ulizo moja kati ya maulizo yenye kupatikana kwenye mwanzo wa kila sura. Kisha kusikiliza jibu la musikilizaji, soma andiko lenye kujibia ulizo lenye uliuliza na ikiwezekana muzungumuzie kidogo fungu lenye kupatana na jambo hilo.
Tumia kurasa za utangulizi ili kumuchochea musikilizaji apendezwe na kisha, umuonyeshe kwenye kitabu kinazungumuzia jambo hilo. Kwa mufano, unaweza kuzungumuzia habari fulani ya huzuni yenye kujulikana sana katika eneo lenu na kisha umuonyeshe kwamba mambo kama hayo yanawachochea watu kujiuliza maulizo yenye kuwa kwenye ukurasa wa 3. Unaweza pia kusema kwamba unazungumuza na majirani kuhusu habari ya muzuri juu ya wakati unaokuja. Kisha umuonyeshe ukurasa wa 4 na wa 5 na umuulize hivi: “Ni ahadi gani kati ya ahadi hizi ungependa itimizwe?” Ao unaweza kusema kwamba unatembelea watu kwa muda mufupi ili kuwasaidia kupata majibu ya maulizo ya maana sana katika maisha. Kisha, umuonyeshe musikilizaji maulizo yenye kuwa kwenye ukurasa wa 6, na umuulize ni ulizo gani linamupendeza zaidi.
Tumia njia ya moja kwa moja ili kuanzisha funzo la Biblia. Unaweza kusema: “Tuko tunawaonyesha majirani zetu kitabu hiki cha kusaidia watu kujifunza Biblia. Umekwisha kukiona? [Acha mutu ajibu.] Kama uko na dakika fulani, ningependa kukuonyesha namna ya kukitumia ili kupata majibu ya maulizo ya maana sana katika Biblia yako.”

Tumikisha Shauri Hili Katika Mwezi:

Mufanye mazoezi katika ibada yenu ya familia.
Wakati unahubiri, uwaonyeshe wahubiri wengine njia yenye unapanga kutumia. (Met. 27:17) Kama njia hiyo hailete matokeo mazuri, tumia njia ingine.