Shule Ya Huduma Ya Kitheokrasi Katika 1998

Shule inaweza kufafanuliwa kuwa mahali ambapo watu hujipatia ujuzi na uwezo mpya wa akili. Kupitia Shule ya Huduma ya Kitheokrasi, tunaelimishwa kikawaida katika ujuzi juu ya Mungu. Kushiriki kwetu katika shule hiyo kunatuwezesha zaidi kukomaza uwezo wetu wa akili katika kufundisha na ustadi wetu wa kusema. Katika 1998, programu ya Shule itatutolea mara nyingine nafasi nyingi za kufanya maendeleo ya kiroho.

Ikiwa unachunguza programu, utaona kwamba kipindi Na. 3 kitazungumzia wakati fulani fulani mtu wa kibiblia tuliyejifunza katika kitabu Auxiliaire. Mtatambua pia kwamba kitabu Furaha ya Familia kimeingizwa katika programu; kitachunguzwa hatua kwa hatua kupitia vipindi Na. 3 na Na. 4. Ikiwa kipindi Na. 4 kinategemea kitabu Furaha ya Familia, ndugu mmoja angepaswa kukitoa kama vile hotuba. Acheni tukumbushe kwamba hakuna mshiriki wa shule ambaye angepaswa kupitisha wakati aliotolewa.

Jambo Jipya: Kwa faida yetu ya kibinafsi, “Programu ya ziada ya usomaji wa Biblia” inaonyeshwa katika vifungo vya mraba “[ ]” baada tu ya namba ya wimbo wa juma. Tujiwekee mradi wa kuifuata, hata ingawa hakuna sehemu ya programu ya juma ya Shule inayohusiana nayo. Itatutolea zoea la kusoma Biblia kila siku, ikiwa hatufanyi hilo bado.

Kwa ajili ya habari za ziada juu ya vipindi, mashauri na kujikumbusha kwa kuandika, tusome kwa uangalifu maagizo yaliyotolewa pamoja na “Programu ya Shule ya Huduma ya Kitheokrasi 1998” na kwenye ukurasa 3 wa Huduma Yetu ya Ufalme ya Novemba 1996.

Ikiwa haujajiandisha bado kwenye Shule ya Huduma ya Kitheokrasi, tunakualika kufanya hivyo sasa. Shule hiyo ya pekee kwa namna yake inaendelea kutimiza daraka la maana katika kuzoeza watumishi wa Yehova walio wanyenyekevu na wenye kujitoa, ikiwasaidia kuwa sikuzote wahudumu wenye kufaa.​—1 Tim. 4:13-16.