Je! Mwezi Wa Septemba Utabaki Katika Historia?
1 Mwaka wa 1963 ulibaki katika historia ya watu wa Yehova. Je! unajua sababu? Mwaka huo hesabu ya wahubiri ulimwenguni ilifikia milioni moja. Ikiwa ulikuwa katika kweli mwaka huo, labda unakumbuka namna tulivyokuwa wenye shauku kuona wapiga-mbiu wengi hivyo wakihubiri ujumbe wa Ufalme! Leo, kwa mfano, moja ya nchi za eneo letu, peke yake ina hesabu ya wahubiri zaidi ya 108 000. Hata hivyo, kila mwezi, kwa wastani, watu 10 374 kati yao hawatoi ripoti ya kushiriki kwao katika huduma.
2 Tupambane na Tatizo: Mnamo Septemba, ikiwa kila mmoja anatoa ripoti yake, tunaweza kufikia kipeo cha hesabu ya wahubiri wa eneo letu wote kwa ujumla. Ikiwa jitihada zetu zinafanikiwa, kwa kweli mwezi huu utabaki katika historia! Tunaweza kufikia mradi huo ikiwa kila mmoja anatimiza fungu lake.
3 Ikiwa tunapanga kwenda likizoni, tunaweza kupitisha wakati katika mahubiri kabla ya kwenda. Tuchukue trakti, broshua, au magazeti ili tutoe ushahidi kwa watu tutakaowakuta huko. Labda tutaweza vilevile kupitisha sehemu fulani ya wakati wetu kwa kuhubiri pamoja na wahubiri wa mahali tutakapokuwa.
4 Ikiwa Hatuwezi kutembea kwa sababu fulani, inawezekana hata hivyo kushiriki katika huduma. Tunaweza kutoa ushahidi kwa madaktari, wauguzi wa kike, au kwa mtu mwingine yeyote anayetutembelea. Labda tunaweza kufanya hivyo kupitia barua au kwa njia ya simu.
5 Bila shaka, wengine watathamini msaada tunaowapa ili wahubiri mnamo Septemba. Wazee, watumishi wa huduma, na viongozi wa funzo la kitabu watafanya mipango ili msaada utolewe. Zaidi ya yote, tusisahau kutoa bila kukawia ripoti yetu ya utendaji mwishoni mwa mwezi ili tuhesabiwe miongoni mwa wahubiri mnamo Septemba.
6 Tufurahie Pendeleo Letu: Huduma ni ‘amana bora.’ (2 Tim. 1:14) Tunathamini pendeleo tulilopewa la kuhubiri habari njema. (1 Thes. 2:4) Tunapofikiria mambo yote ambayo Yehova hutufanyia, tungepaswa kuchochewa kushiriki kwa uaminifu, katika mwaka wote mzima, katika kazi hii iliyo ya maana zaidi. Tusiruhusu jambo lolote lituzuie kuhubiri kwa ukawaida. Acheni tufanye Septemba kuwa mwezi utakaobaki katika historia ya utumishi wa Yehova na tuazimie kutoa ushahidi juu yake kila mwezi!—Zab. 34:1.