SOMO YA 4

Kutanguliza Maandiko Muzuri

Matayo 22:41-45

JAMBO LA KUFANYA: Tayarisha akili ya wasikilizaji wako mbele usome andiko.

Ujue kwanza juu ya nini unasoma andiko. Tanguliza andiko mu namna yenye inasaidia wasikilizaji wako waone jambo la maana lenye unataka kuwaonyesha mu ile andiko.

Angalia maandiko yenye inatangulia na yenye inafuata ile andiko. Kama unatanguliza andiko na kuonyesha mwenye alisemaka maneno fulani ao mwenye aliandikaka kitabu fulani cha Biblia, hakikisha kama mambo yenye unasema ni ya kweli.
Onyesha kama mambo yenye unasema inatoka mu Biblia. Wakati uko unasema na watu wenye wanaamini Mungu, uwapeleke mu Biblia, Neno la Mungu. Kwa kufanya vile unaonyesha kama mu Biblia njo muko hekima ya muzuri zaidi.
Fanya wasikilizaji wako wakuwe na hamu ya kusoma andiko. Uliza ulizo lenye andiko litajibia, taja magumu fulani yenye andiko litasaidia kuimaliza, ao onyesha kanuni yenye habari fulani ya Biblia itawasaidia kuelewa.

Fikiria mambo yenye tayari wasikilizaji wako wanajua kuhusu ile habari na ile andiko. Hata kama ni andiko lenye wanajua, ulitangulize mu njia ya kupendeza, na usaidie wasikilizaji wako walielewe mu njia yenye hawayawaziaka.