ஊழியத்தில் திறமைகளை மெருகூட்ட... பைபிள் கற்பிக்கிறது புத்தகத்தை கொடுங்கள்

ஏன் முக்கியம்: பைபிள் படிப்பு நடத்துவதற்கு பைபிள் கற்பிக்கிறது புத்தகத்தைத்தான் முக்கியமாக பயன்படுத்துகிறோம். அதனால், இந்தப் புத்தகத்தை ஊழியத்தில் நன்றாகப் பேசி கொடுப்பதற்கு நம் திறமைகளை மெருகூட்ட வேண்டும். (நீதி. 22:29) நிறைய விதங்களில் இந்தப் புத்தகத்தை ஊழியத்தில் கொடுக்கலாம். நமக்கு எது பிரயோஜனமாக இருக்கிறதோ அந்த விதத்தைப் பயன்படுத்தலாம். நிறைய சமயங்களில் நாம் நற்செய்தி புத்தகத்திலிருந்து பைபிள் படிப்பு நடத்துகிறோம். அதற்குப் பின்பு, பைபிள் கற்பிக்கிறது புத்தகத்திலிருந்து படிப்பை ஆரம்பிக்கிறோம். சிலசமயங்களில், ஒருவர் ரொம்ப ஆர்வம் காட்டினால் நாம் பைபிள் கற்பிக்கிறது புத்தகத்தைக் கொடுக்கலாம்.

எப்படி செய்யலாம்:

ஆர்வத்தைத் தூண்டும் ஒரு கேள்வியை ஊழியத்தில் சந்திக்கும் ஒருவரிடம் கேளுங்கள். பின்பு, அது சம்பந்தமாக புத்தகத்திலிருக்கும் ஒரு அதிகாரத்தைக் காட்டுங்கள். ஒவ்வொரு அதிகாரத்தின் ஆரம்பத்தில் இருக்கும் கேள்விகளையும் பயன்படுத்தலாம். அவர் பதில் சொன்னபிறகு, அவருடைய அனுமதியோடு ஒரு பொருத்தமான வசனத்தைக் காட்டுங்கள். பின்பு, அது சம்பந்தமான அதிகாரத்திலிருந்து ஒரு பாராவை காட்டி சுருக்கமாக கலந்து பேசுங்கள்.
பைபிள் கற்பிக்கிறது புத்தகத்தில், 3-6 பக்கங்களைப் பயன்படுத்தி ஊழியத்தில் சந்திக்கும் ஒருவரிடம் ஆர்வத்தைத் தூண்டும் விதத்தில் பேசுங்கள். பின்பு, எந்த அதிகாரத்தில் அதைப் பற்றி கூடுதலான தகவல் இருக்கிறதோ அதை சொல்லுங்கள். உதாரணத்திற்கு, செய்தியில் வெளிவந்த ஏதாவது ஒரு சோகமான சம்பவத்தைப் பற்றி சொல்லிவிட்டு, 3-ஆம் பக்கத்தில் இருக்கும் கேள்விகளைக் காட்டுங்கள். அல்லது, ஒரு “சந்தோஷமான செய்தியை எல்லார்கிட்டயும் சொல்றோம்” என்று சொல்லிவிட்டு 4-5 பக்கங்களில் இருக்கும் படங்களைக் காட்டுங்கள். பின்பு, “இதில் எந்த விஷயம் நடக்கணும்னு நீங்க ஆசைப்படுறீங்க?” என்று கேளுங்கள். அல்லது, 6-வது பக்கத்திலிருக்கும் கேள்விகளைக் காட்டி, “எந்த கேள்விக்கு பதிலை தெரிஞ்சிக்க ஆசைப்படுறீங்க?” என்று கேளுங்கள்.
கிறிஸ்தவர்களை சந்தித்தால், அவர்களிடம் பைபிள் படிப்பைப் பற்றி இப்படி சொல்லுங்கள், “பைபிளை நல்லா புரிஞ்சிக்க உதவியா இருக்கிற இந்த புத்தகத்தை எல்லாருக்கும் கொடுக்கிறோம். நீங்க இந்த புத்தகத்தைப் பார்த்திருக்கிறீங்களா? [பதிலுக்காக காத்திருங்கள்.] உங்களுக்கு இப்போ நேரம் இருந்தா இந்த புத்தகத்திலிருந்து எப்படி படிக்கலாம்னு காட்ட ஆசைப்படுறேன். இந்த புத்தகத்தில இருக்கிற வசனங்களை உங்களோட பைபிளிலிருந்தே நீங்க பார்க்கலாம்.”

இந்த மாதம் செய்து பாருங்கள்:

குடும்ப வழிபாட்டில் பைபிள் கற்பிக்கிறது புத்தகத்தை ஊழியத்தில் கொடுப்பது போல் நடித்துப் பாருங்கள்.
நீங்கள் என்ன பேசப் போகிறீர்கள் என்பதை உங்களோடு ஊழியம் செய்கிற நபரிடம் சொல்லுங்கள். (நீதி. 27:17) நீங்கள் தயாரித்திருப்பதில் ஏதாவது மாற்றம் செய்யவேண்டி இருந்தால் தேவையான மாற்றங்களைச் செய்யுங்கள்.