‘ንዑናይ ናብ ከረን የሆዋ ንደይብ’

“ኣብተን ዳሕሮት መዓልትታት”

እንነብረሉ ዘሎና ግዜ

“ከረን ቤት የሆዋ”

ንጹህ ኣምልኾ የሆዋ ዚግበረሉ ልዕል ዝበለ ቦታ

“ናብኡ ኸኣ ኵሎም ኣህዛብ ኪውሕዙ እዮም”

እቶም ንጹህ ኣምልኾ እተቐበሉ ብሓደ ይእከቡ

“ንዑናይ ናብ ከረን የሆዋ”

ናይ ሓቂ ኣምለኽቲ ንኻልኦት፡ ኪሓብርዎም ይዕድሙ

“ንሱ ጐደናታቱ ኺምህረና፡ ንሕና እውን ብመገድታቱ ኽንመላለስ ኢና”

የሆዋ ብቓሉ ኣቢሉ ይምህረናን ብመገድታቱ ኽንመላለስ ይሕግዘናን

“ደጊም እውን ውግእ ኣይኪምሃሩን እዮም”

ኢሳይያስ፡ ህዝቢ የሆዋ ሰላም ከም ዚስዕቡ ንምሕባር፡ ንኣጽዋር ውግእ ናብ ናውቲ ማሕረስ ከም ዚልውጥዎ ገሊጹ ኣሎ። እዚ ናውቲ እዚ፡ ብግዜ ኢሳይያስ ንምንታይ እዩ ዜገልግል ነይሩ፧

‘ኣስያፎም ቀጥቂጦም ማሕረሻታት ኪገብሩ እዮም’

ማሕረሻ ሓደ ኻብ ናውቲ ማሕረስ ኰይኑ፡ ንዝባን ምድሪ ይዅዕት። ገሊኡ ድማ ካብ ሓጺን እዩ ዚስራሕ ነይሩ።—1ሳሙ 13:20

“ኲናውቶም ከኣ ገዘሞታት ኪገብሩ እዮም”

ገዘሞ ቅርጺ ማዕጺድ ዘለዎ በሊሕ ሓጺን ኰይኑ፡ መትሓዚ ኣለዎ። እዚ ንዋት እዚ፡ ወይኒ ንምጥጣፍ የገልገል ነበረ።—ኢሳ 18:5