Thulaganyo ya Pokano ya Tirelo
Beke e e Simololang ka September 11
Pina 139
10 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi.
15 mets: “Tshegofatso ya ga Jehofa E a Re Humisa.” Matseno a gago a se ka a feta motsotso, mme morago ga moo go latele motlotlo wa dipotso le dikarabo.—Bona Insight, Bolumo 2, tsebe 804, dirapa 6-7.
20 mets: “Dirisa Ditiragalo Tsa Bosheng go Tsosa Kgatlhego.” Motlotlo le bareetsi le dipontsho. Umaka ditiragalo di le mmalwa tse di diragetseng bosheng jaana tse batho ba di kgatlhegetseng mo lefelong la lona. Ditiragalo tseno di bakile matshwenyego afe ka isagwe? O dirisa buka ya Go Fetolana, tsebe 11, ntsha dikakantsho dingwe malebana le gore go ka baakanyediwa jang matseno a a tla dirang gore go tlotliwe ka Baebele. Nna le dipontsho di le pedi tse di ka dirisiwang, tse di baakanyeditsweng sentle.
Pina 224 le thapelo e e konelang.
Beke e e Simololang ka September 18
Pina 2
10 mets: Dikitsiso tsa phuthego ya lona. Pego ya diakhaonto. Itsise dithulaganyo tsa tirelo ya tshimo tsa September 25. Molebedi wa tirelo o tlotla ka dithulaganyo tsa tshimo e e sa abiwang ka October, e leng kgwedi ya bofelo ya letsholo leno. Kgothaletsa botlhe gore ba nne le seabe ka botlalo.
15 mets: Re Dirile Jang Ngogola? Puo ka molebedi wa tirelo. Sekaseka dintlhakgolo tsa pego ya phuthego ya ngwaga wa tirelo wa 2000. Akgola phuthego ka dilo tse di molemo tse e di dirileng. Tlhalosa dikarolo tse e tlhokang go tokafatsa mo go tsone. Tlotla thata ka tsela e phuthego e dirileng ka teng mo go nneng gone mo dipokanong, go simolola dithuto tsa Baebele le go di tshwara, le go tswa ka metlha mo tirelong ya tshimo. Tlhalosa mekgele e e molemo ya ngwaga o o latelang.
20 mets: “Matshelo a Batho a mo Kotsing!” Motlotlo le bareetsi. Tlhomolola dikwalo tse di umakilweng mo setlhogong seno.
Pina 30 le thapelo e e konelang.
Beke e e Simololang ka September 25
Pina 93
15 mets: Dikitsiso tsa phuthego ya lona. Gakolola baboledi gore ba tsenye dipego tsa tirelo ya tshimo ya September. Tlotla ka Lebokoso la Dipotso.
15 mets: Dilo tse phuthego ya lona e tlhokang go di ela tlhoko.
15 mets: Dimakasine Tsa Rona ga di Felelwe ke Boleng. O dirang fa dimakasine tsa bogologolo tsa Tora ya Tebelo le Tsogang! di koelana? Baboledi bangwe ba a di latlha, ba akanya gore se di buang ka sone se fetilwe ke nako. Go na le moo, Tirelo ya Rona ya Bogosi ya September 1993, mo tsebeng ya 3, e ne ya re kgothaletsa gore re nne re tshwere dimakasine dingwe tsa bogologolo mme re di tsamaise fa go tshwanela. O ka tlhopha ditlhogo dingwe tse di tshwanelang tse di ka kgatlhegelwang ke batho ba banna, ba basadi, ba ba rutegileng, batsofe le basha; mme o dire gore dimakasine tseno di nne di le teng gore o ba neye tsone fa sebaka se tlhaga. Bontsha gore ditlhogo tseno di ka tlhophiwa jang le go buelelwa jang. Bolela maitemogelo mangwe a mantle a baboledi ba nnileng le one fa ba tsamaisa dimakasine tsa bogologolo.
Pina 115 le thapelo e e konelang.
Beke e e Simololang ka October 2
Pina 169
15 mets: Dikitsiso tsa phuthego ya lona. Itsise phuthego ka letsholo le le kgethegileng le le rulagantsweng la go tsamaisa pampitshana ya Dikgang Tsa Bogosi No. 36, le le tlileng go simolola ka Mantaga, October 16, mme le tswelele jalo go fitlha ka Labotlhano, November 17. Kgothaletsa botlhe, go akaretsa le ba babotlana le ba basha, gore ba leke go nna le seabe ka botlalo. Batshwari ba thuto ya buka ba tshwanetse go simolola gone jaanong go kgothaletsa botlhe ba ba mo setlhopheng sa bone le go ba rulaganyetsa gore ba nne le seabe ka tlhoafalo ka mo go kgonegang ka gone. Akaretsa le maitemogelo a a kgothatsang a letsholo le le fetileng la go tsamaisa pampitshana ya Dikgang Tsa Bogosi.
20 mets: “Dikgakololo Tse di Malebana le Mokgwa o o Tlhofofaditsweng wa go Tsamaisa Dibuka.” Motlotlo wa dipotso le dikarabo o o tshwarwang ke molebedi yo o okamelang. Dira gore e tshwanele lefelo la lona ka go itsise phuthego dikarolo tse go nang le bothata mo go tsone. Tlhalosa gore go anaanelwa tsela e phuthego ya lona e tshegetsang Tiro ya Mokgatlho ya Lefatshe Lotlhe ka teng.
10 mets: Maitemogelo mo go Simololeng Metlotlo. Mo thulaganyong ya Pokano ya Tirelo ya beke ya September 11, go ne ga akantshiwa gore re dire matseno re dirisa ditiragalo tsa bosheng go tsosa kgatlhego le go simolola metlotlo mo tshimong. Kopa bareetsi go tlhalosa matswela a a molemo a ba nnileng le one go tla go fitlha jaanong ka go dirisa dikakantsho tseno.
Pina 205 le thapelo e e konelang.