Thulaganyo ya Pokano ya Tirelo

Beke e e Simololang ka May 9

Pina 217

10 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Dirisa dikakantsho tse di mo tsebeng ya 8 (fa di tshwanela tshimo ya lona) go bontsha gore go ka tsamaisiwa jang Tora ya Tebelo ya May 15 le Tsogang! ya June 8. Go ka nna ga dirisiwa le ditsela tse dingwe tse di tshwanelang tsa go buelela dimakasine tseno. Dira gore nngwe ya dipontsho tseno e nne ya mmoledi a tsamaisa dimakasine ka tsela e e seng ya tlwaelo mo sepalangweng sa botlhe.

15 mets: Dirisa Lefoko la Modimo go Fitlhelela Pelo. Puo e e theilweng mo makasineng wa Tora ya Tebelo ya February 1, 2005, ditsebe 28-31. Tlotla ka tsela e Jesu a neng a dirisa Dikwalo ka yone go thusa Petere. Bontsha kafa re ka latelang sekao sa ga Jesu ka teng fa go tlhokega gore re lolamise tsela e bana ba rona ba akanyang ka yone le e ba ikutlwang ka yone, le diithuti tsa rona tsa Baebele le eleng rona ka borona.

20 mets: “Dira Thulaganyo e Lelapa la Gago le ka Kgonang go e Latela.” Morago ga matseno a a sa feteng metsotso e mebedi, gatelela botlhokwa jwa thulaganyo e e kwadilweng o bo o bontshe gore thulaganyo e e sa kwalwang sepe e e mo tsebeng ya 6 e ka tladiwa jang. Morago ga moo go latele motlotlo wa dipotso le dikarabo wa setlhogo se se reng “Thulaganyo ya Lelapa—Dipokano Tsa Phuthego.” Kopa bareetsi gore ba akgele ka se ba se dirang gore ditiro tse dingwe di se ka tsa kgoreletsana le dipokano tsa phuthego. Dilo tse dingwe tse di ka kwalwang mo thulaganyong ya lelapa di tla sekasekwa mo dibekeng tse di latelang.

Pina 176 le thapelo e e konelang.

Beke e e Simololang ka May 16

Pina 201

10 mets: Dikitsiso tsa phuthego ya lona.

15 mets: “Thulaganyo ya Lelapa—Bodiredi Jwa Tshimo Jwa Lelapa.”a Kopa baboledi gore ba akgele ka mesola ya go bereka mmogo jaaka lelapa mo bodireding.

20 mets: “Go Tshwara Dithuto Tse di Gatelang Pele Tsa Baebele—Karolo 9.”b Fa o tlotla ka serapa sa 2, gatelela ntlha e le nngwe kgotsa di le pedi tse di tswang mo kgatisong ya Tirelo ya Rona ya Bogosi ya December 2004, tsebe 8. Dira gape gore go nne le pontsho e e khutshwane ya go tshwara thuto ya Baebele. Fa a sena go konela thuto 2 mo boroutšhareng jwa Re Direng?, motshwari wa thuto o botsa seithuti jaana: “O ka tlhalosetsa jang tsala ya gago gore leina la Modimo ke mang?” Moithuti o tlhalosa kafa a tla dirisang Pesalema 83:18 ka gone, mme fa a fetsa motshwari wa thuto o a mo akgola.

Pina 134 le thapelo e e konelang.

Beke e e Simololang ka May 23

Pina 194

12 mets: Dikitsiso tsa phuthego ya lona. Bala pego ya diakhaonto le makwalo a lo a amogetseng a a bontshang gore mokgatlho o amogetse meneelo ya lona. Dirisa dikakantsho tse di mo tsebeng ya 8 (fa di tshwanela tshimo ya lona), o bontshe kafa go ka tsamaisiwang ka teng Tora ya Tebelo ya June 1 le Tsogang! ya June 8. Go ka nna ga dirisiwa le ditsela tse dingwe tse di tshwanelang tsa go buelela dimakasine tseno.

18 mets: “Letsatsi la ga Jehofa le Gaufi.”c Fa o baakanyetsa puo eno, bona tshedimosetso e e mo bukeng ya Boporofeti Jwa ga Daniele, tsebe 59, serapa 28.

15 mets: “Thulaganyo ya Lelapa—Thuto ya Lelapa.”d Rulaganya go sa le gale gore motho a le mongwe kgotsa ba le babedi ba tlhalose gore ba rulagantse jang thuto ya lelapa la bone le gore ke maiteko afe a ba a dirang go latela thulaganyo eo ka metlha.

Pina 152 le thapelo e e konelang.

Beke e e Simololang ka May 30

Pina 190

10 mets: Dikitsiso tsa phuthego ya lona. Gakolola baboledi go tlisa dipego tsa bone tsa tirelo ya tshimo ya May. Umaka gore go tlile go tsamaisiwa dikgatiso dife ka June. Bontsha kafa di ka tsamaisiwang ka teng o dirisa kakantsho e le nngwe kgotsa di le pedi tse di mo tsenyeletsong ya Tirelo ya Rona ya Bogosi ya January 2005 (fa di tshwanela tshimo ya lona). Go ka nna ga dirisiwa le ditsela tse dingwe tse di tshwanelang tsa go buelela dikgatiso tseno.

20 mets: “Thulaganyo ya Lelapa—Temana ya Letsatsi.”e Kopa bareetsi gore ba akgele kafa malapa a bone a solegelwang molemo ka teng ke go sekaseka temana ya letsatsi le gore ke thulaganyo efe e ba fitlhetseng e ba siametse gore ba dire jalo.

15 mets: Tlotla ka maitemogelo a bodiredi jwa tshimo a bangwe ba ileng ba nna le one mo dikgweding tsa March, April le May kgotsa o dire pontsho e e bontshang se se ileng sa direga. Rulaganya go sa le gale gore motho a le mongwe kgotsa ba le babedi ba bolele ka maiteko a ba ileng ba a dira gore ba oketse seabe sa bone mo bodireding mo setlheng sa Segopotso le masego a ba ileng ba nna le one.

Pina 115 le thapelo e e konelang.

Beke e e Simololang ka June 6

Pina 155

10 mets: Dikitsiso tsa phuthego ya lona.

15 mets: Dilo tse phuthego e tlhokang go di ela tlhoko.

20 mets: “Dira Gore Batho ba Kgatlhege Ka go Ba Isetsa Dimakasine ka Metlha.”f Fa o tlotla ka serapa 3, buelela dintlha tse di mo bukeng ya Go Fetolana, ditsebe 85-89. Dintlha tseno di ka dirisiwa go baakanyetsa metlotlo ya temana e le nngwe fela e e buang ka se Bogosi jwa Modimo bo tla se dirang. Dira gore go nne le pontsho ya kafa mmoledi a ka tlotlang ka teng le motho yo a mo isetsang dimakasine ka metlha a dirisa temana e le nngwe fela. Mmoledi o tshwanetse a tlotla ka yone ka bokhutshwane a bo a bontshe kafa temana eo e ka dirisiwang ka teng go thusa mong wa ntlo go e tlhaloganya sentle le go bona kafa e leng botlhokwa ka teng mo botshelong jwa gagwe.

Pina 107 le thapelo e e konelang.

[Dintlha tse di kwa tlase]