Thulaganyo ya Pokano ya Tirelo

Beke e e Simololang ka June 13

Pina 198

10 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Dirisa dikakantsho tse di mo tsebeng 8 (fa e le gore di tshwanela tshimo ya lona) go bontsha gore Tora ya Tebelo ya June 15 le Tsogang! ya July 8 di ka tsamaisiwa jang. O ka nna wa dirisa le dipuisano tse dingwe tse di tshwanelang. Mo go nngwe ya dipuisano tseno, dira pontsho e mo go yone mmoledi a tsamaisang makasine a se mo bodireding.

15 mets: Thusa ba Bangwe go Nna Baboledi Ba ba Sa Kolobediwang. Puo ya motlotlo le bareetsi e e neelwang ke mogolwane e e theilweng mo bukeng ya Re Rulaganyeditswe go Dira Thato ya ga Jehofa, ditsebe 79-81. Tlotla ka thulaganyo e e latelwang ya go bona gore a motho yo o ithutang Baebele o a tshwanelega go ya ka Dikwalo gore a ka nna le seabe mo tirelong ya tshimo le phuthego. Mo bekeng e e tlang, re tla tlotla gore re ka thapisa jang batho ba ba tshwanelegang ba re ithutang le bone Baebele go nna baboledi ba ba sa kolobediwang gore ba simolole go nna le seabe mo bodireding jwa ntlo le ntlo.

20 mets: “Go Rera go re Thusa go Itshoka.”a Fa nako e letla, kopa bareetsi gore ba akgele ka ditemana tse di umakilweng.

Pina 149 le thapelo e e konelang.

Beke e e Simololang ka June 20

Pina 206

10 mets: Dikitsiso tsa phuthego ya lona. Boeletsa dintlha dingwe tsa konokono mo kgatisong ya Tirelo ya Rona ya Bogosi ya July 2003, tsebe 4. Tlhalosa gore baboledi ba ka kopa jang dibuka tsa dipuo di sele. Tlhalosa gore tshedimosetso eno e dira jang mo tshimong ya lona. Dikgatiso dipe fela tsa puo e sele di tshwanetse go kopiwa ka go tsenya otara mo motlhankeng wa dibuka, tota le fa motho a ka tswa a batla buka e le nngwe fela gore dibuka tse di tlhokwang di tle di romelwe ka bonako.

15 mets: Lefoko la Modimo Le na Le Maatla. (Baheb. 4:12) Puo e e theilweng mo makasineng wa Tora ya Tebelo ya November 15, 2003, tsebe 11, dirapa 13-17. Tlotla ka maitemogelo a a bontshang kafa thuto ya Baebele e ka dirang gore batho ba fetole botshelo jwa bone ka gone. (w00-TN 1/1 dits. 3-5) Kgothaletsa botlhe gore ba dirise Baebele ka tsela e e molemo mo dikarolong tsotlhe tsa bodiredi.

20 mets: “Go Tshwara Dithuto Tsa Baebele Tse di Gatelang Pele—Karolo 10.”b Dira gore go nne le pontsho e mo go yone baboledi ba ikatisetsang go ya tirelong ya tshimo. Fa moithuti a ntse a ikatisetsa tirelo ya tshimo, morutisi wa gagwe yo o dirang jaaka mong wa ntlo mo pontshong eno e ba ikatisang mo go yone, o mo ganetsa ka go mmotsa potso e batho ba ratang go e botsa fa ba ganetsa mo tshimong ya bone, mme fa moithuti a sa tlhomamisege gore a arabe a reng, morutisi wa gagwe o mo tlhalosetsa kafa a ka lebanang le boemo jono ka gone. Mo godimo ga moo, rulaganya go sa le gale gore a le mongwe kgotsa ba le babedi ba tlhalose gore ba ne ba thapisiwa jang fa ba ne ba simolola go nna le seabe mo bodireding jwa ntlo le ntlo.

Pina 208 le thapelo e e konelang.

Beke e e Simololang ka June 27

Pina 113

10 mets: Dikitsiso tsa phuthego ya lona. Gakolola baboledi gore ba tlise dipego tsa bone tsa tirelo ya tshimo ya June. Bala pego ya diakhaonto le makwalo ape a a bontshang gore meneelo ya lona e amogetswe. Dirisa dipuisano tse di akantshitsweng mo tsebeng ya 8 (fa e le gore di tshwanela tshimo ya lona) go bontsha gore makasine wa Tora ya Tebelo ya July 1 kgotsa Tsogang! ya July 8 e ka tsamaisiwa jang. O ka nna wa dirisa le puisano epe fela e nngwe e e tshwanelang. Morago ga pontsho, boeletsa dikakgelo tse di simololang tse mmoledi a ileng a di dirisa mo pontshong eno go dira gore mong wa ntlo a kgatlhege.

15 mets: Dilo tse phuthego ya lona e tlhokang go di ela tlhoko.

20 mets: Go Tsamaisiwa Diboroutšhara ka July le August. Puo le motlotlo le bareetsi e e theilweng mo tsenyeletsong. Tlhalosa ka bokhutshwane gore tsenyeletso eno e ka dirisiwa jang, o gatelele dintlha tsa lebokoso le le mo tsebeng 3 mmogo le dintlha tsa konokono tse di mo kgatisong ya Tirelo ya Rona ya Bogosi ya January 2005, tsebe 8. Tlotla ka dikakantsho tse di tshwanelang tshimo ya lona tse lo ka di dirisang fa lo tsamaisa boroutšhara mo maetong a ntlha. Dira gore go dirwe dipontsho di le pedi kgotsa di le tharo go dirisiwa dipuisano tseno. Dira gore nngwe ya tsone e dirwe ke mmoledi yo mmotlana.

Pina 196 le thapelo e e konelang.

Beke e e Simololang ka July 4

Pina 70

10 mets: Dikitsiso tsa phuthego ya lona.

15 mets: A o Diretse Lelapa la Gago Thulaganyo? Boeletsa dikakantsho tse di mo tsenyeletsong ya Tirelo ya Rona ya Bogosi ya May 2005, mme o kope bareetsi go tlhalosa gore ba ile ba leka jang go dirisa dikakantsho tseno le gore seno se ba solegetse molemo jang.

20 mets: “Go Neela Bosupi ka Tsela e e Nang le Matswela Gongwe le Gongwe mo Batho ba Fitlhelwang Gone.”c Dira gore dintlha tseno di tshwanele tshimo ya lona. Gakolola baboledi gore ka tsweetswee ba dirise foromo ya Tsweetswee Boela (S-43) fa go tlhokegang gone.—Bona kgatiso ya Tirelo ya Rona ya Bogosi ya April 2005, ts. 5.

Pina 120 le thapelo e e konelang.

[Dintlha tse di kwa tlase]