Se re Ka se Buang ka Dimakasine

Tsogang! Sept. 8

“Jaaka fa o ka tswa o itse, go lebega basha ba tlhaselwa motlhofo ke go tshwenyega thata mo maikutlong go feta le fa e le leng pele. Ke ka ntlha yang fa go ba tlhasela motlhofo jaana? Ba ka thusiwa jang? Ke akanya gore o tla fitlhela makasine ono o kgatlha go o bala, segolobogolo fa o le motsadi yo o amegang.”

Tora ya Tebelo Sept. 15

“Go na le batho ba ba ratang boammaaruri mo e ka nnang mo ditumelong tsotlhe. Le fa go ntse jalo, go bonala fa bodumedi bo kgaoganya batho. Go tlhokega eng go kopanya batho ba ba dipelo di ikanyegang? [Fa a sena go araba, bala Sefania 3:9.] Makasine ono o bontsha kafa kitso ka ga Modimo wa boammaaruri e kopanyang batho gongwe le gongwe ka gone.”

Tora ya Tebelo Oct. 1

“Gongwe o ka dumela gore batho ba le bantsi ga ba tlhole ba bua thata ka kgang ya go dumela mo Modimong. Mme ke ka ntlha yang fa go ntse jalo? [Fa a sena go araba, bala Bahebera 11:1.] Makasine ono o bua ka se tumelo ya boammaaruri e leng sone le gore go nna le tumelo kgotsa go se nne le yone go re ama jang.”

Tsogang! Oct. 8

“O tshwanetse wa bo o tshwenyegile thata ka boikepo jo bo ntseng bo ya magoletsa mo lefelong leno la rona. A o kile wa ipotsa gore ke eng fa Modimo a itshokela boikepo jo bo kanakana? Ke eng fa a ise a tseele baikepi kgato le jaanong? [Mo letle go araba.] Makasine ono o naya tlhaloso ya Baebele e bile o bontsha tharabololo ya mmatota ya bothata jono.”